Молия вазирининг “Солиқ маслаҳатчиларининг малакасини ошириш тартиби тўғрисидаги низомга ўзгартиришлар ва қўшимчалар киритиш тўғрисида”ги буйруғи (рўйхат рақами 2343-2, 2017 йил 22 июнь) қабул қилинди.
Солиқ маслаҳатчилари малакасини ошириш тартиби белгиланди. Эндиликда Молия вазирлигига ҳар йили 15 апрелгача қуйидагилар тақдим қилинади:
- солиқ маслаҳатчилари ташкилотлари томонидан – солиқ маслаҳати бўйича фаолиятни амалга оширадиган солиқ маслаҳатчилари ва солиқ маслаҳатчилари томонидан малака ошириш ўталганлиги тўғрисида ахборот;
- солиқ маслаҳати ташкилоти штатида бўлмаган солиқ маслаҳатчилари томонидан, - махсус малака ошириш курсларида малака оширганлиги тўғрисидаги сертификатлар нусхалари.
Бундан ташқари, солиқ маслаҳатчилари ва улар малака оширганликлари тўғрисидаги ахборот шакли тасдиқланди.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Моҳина Мирзаева.
