Президентнинг 16.06.2017 йилдаги ПҚ–3064-сон қарори билан Президентнинг 28.04.2015 йилдаги ПҚ–2340-сон «Иқтисодиётда хусусий мулкнинг улуши ва аҳамиятини ошириш чора-тадбирлари тўғрисида»ги қарорига ўзгартириш киритилди.
«Туронбанк» АТБ давлат ва хўжалик бошқаруви органларининг улушлари стратегик хорижий инвесторларга сотилиши лозим бўлган акциядорлик жамиятлари рўйхатидан чиқарилди.
Ҳужжатда таъкидланишича, бундай қарор ҳудудларни комплекс ижтимоий-иқтисодий ривожлантириш бўйича инвестиция лойиҳаларини амалга оширишда «Туронбанк» АКБ улушини ошириш мақсадида қабул қилинган.
«Туронбанк» Стратегик хомашёни ишлаб чиқариш ва бирламчи қайта ишлаш соҳасида фаолиятни амалга оширадиган акциядорлик жамиятлари, шунингдек табиий монополиялар субъектлари ва тартибга солинадиган нархлар бўйича ижтимоий аҳамиятли товар ва хизматларни етказиб берувчилар рўйхатига киритилган бўлиб, уларга устав капиталида хорижий инвестор улушини 15%га етказиш бўйича Президентнинг 21.12.2015 даги ПҚ–2454-сон қарорининг 1-банди татбиқ этилмайди. Шу муносабат билан «Туронбанк» АТБ 2017 йилнинг 31 декабригача хорижий инвесторлар жалб қилиниши лозим бўлган акциядорлик жамиятлари рўйхатидан чиқарилди (5.08.2016 йилдаги 252-сон ВМҚга 2-илова).
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Самир Латипов.
