Ҳуқуқий ахборот қонун устуворлиги гаровидир

Ушбу Қонун лойиҳасини қабул қилиш зарурати қуйидагиларга асосланган:

биринчидан, қабул қилинаётган норматив-ҳуқуқий ҳужжатларнинг ўз вақтида ижрочиларга етказилиши, аҳолига уларнинг мазмун-моҳиятини тушунтирилишини сифатли таъминлаш;

иккинчидан, ҳуқуқий ахборотни тарқатишнинг самарали, яхлит тизимини ва механизмини яратиш;

учинчидан, ҳозирги шароитда аҳолининг ҳуқуқий ахборотга бўлган эҳтиёжини қондириш, жамиятда ҳуқуқий саводхонлик, ҳуқуқий онг ва ҳуқуқий маданият даражасини янада юксалтириш, қонунийликни мустаҳкамлаш соҳасидаги ишларнинг самарасини ошириш.

Такдим этилаётган  Қонун лойиҳасида:

1. Хуқуқий ахборотни тарқатиш ва ундан фойдаланишни таъминлашнинг асосий тушунчалари, асосий тамойиллари белгиланган
(3-4-моддалар);

2. Ҳуқуқий ахборотни тарқатишни амалга оширувчи ва ундан фойдаланилишини таъминловчи органлар ва муассасалар ваколатлари белгиланган (6-10-моддалар);

3. Адлия вазирлиги ҳуқуқий ахборотни тарқатиш ва ундан фойдаланишни таъминлаш соҳасида махсус ваколатли давлат органи этиб белгиланган (9-модда);

4. Ахборот-кутубхона ва таълим муассасалари, фуқаролар ўзини ўзи бошқариш органлари, ННТ ва фуқароларнинг ҳуқуқий ахборотни тарқатиш ва ундан фойдаланишни таъминлашдаги ўрни ва иштироки белгиланган (11-13-моддалар);

5. Ҳуқуқий ахборотни тарқатиш тартиби белгиланиб, ҳуқуқий ахборотдан фойдаланишни таъминлаш тартиби ва механизми очиб берилган
(14-23-моддалар).

Бу мухим! Мазкур Қонуннинг қабул қилиниши Вазирлар Маҳкамаси томонидан:

• қабул қилинган янги норматив-ҳуқуқий ҳужжатларни, уларга киритилаётган ўзгартириш ва қўшимчаларни, ахборот-таҳлилий материаллар билан бирга юборилиши мажбурий бўлган давлат органлари рўйхатини тасдиқлаш бўйича;
• айрим Ҳукумат карорларини,  ушбу Қонунга мувофиқлаштириш бўйича қўшимча қонуности ҳужжатлари қабул қилинишини тақозо этади.

Таклиф қилинаётган Қонун лойиҳаси қабул қилинган тақдирда Ўзбекистон ХДП фракциясининг фикрига кўра:

• қабул қилинаётган ҳар бир норматив-ҳуқуқий ҳужжат, уларга киритилаётган ўзгартириш ва қўшимчалар барча давлат органлари
• ва ташкилотларига, ижрочиларга, ҳар бир маҳалла, кутубхона ва таълим муассасасига етиб боришини ҳамда у ерда улардан эркин фойдаланиш имконияти таъминланади;
• ҳуқуқий ахборотни тарқатиш турларини амалга оширишда тизимли ёндашув таъминланади;
• ҳуқуқий ахборотни тарқатилишида ҳуқуқий тартибга солишнинг тизимлилиги таъминланади;
• мазкур соҳани назорат қилиш ва мувофиқлаштириш самарадорлиги оширилади;
• жамиятда қонунийлик таъминланади, ҳуқуқий саводхонлик, ҳуқуқий онг ва ҳуқуқий маданият даражасининг янада юксалади.

Маъруф УСМАНОВ ёзиб олди.