Инновацион ривожланиш вазирлиги ҳузурида Ёшлар академияси юридик шахс мақомисиз ташкил этилди (30.08.2019 йилдаги ПҚ-4433-сон қарорга қаранг).
Унга ўзларининг инновацион лойиҳалари ва ғояларига эга иқтидорли ёшлар ва талабалар, 40 ёшгача бўлган олимлар ва тадбиркорлардан ташкил топган жамоалар танлов асосида қабул қилинади. Жамоалар аъзолари – Академия аъзолари.
Ташкилотга раҳбарлик инновацион ривожланиш вазирининг биринчи ўринбосарига юклатилди. Фанлар академиясида тугатилган Иқтидорли ёшлар билан ишлаш бошқармасининг 5 штат бирликлари ҳисобига вазирлик тузилмасида Иқтидорли ёшлар билан ишлаш бошқармаси ташкил этилди.
Ёшлар академияси фаолияти доирасида мамлакатимиз келажаги учун муҳим аҳамиятга эга бўлган сунъий интеллект, қайта тикланувчи энергия манбалари, робототехника ва мехатроника, фармацевтика, биотехнология, дастурлаш, саноат дизайни, 3D моделлаш ва бошқа истиқболли йўналишларда амалий, инновацион ва стартап лойиҳалари амалга оширилади.
Инновацион ишланмаларни жорий этиш илмий-амалий маркази, Илғор технологиялар маркази ва “Яшнобод” инновацион технопаркининг бинолари, лабораторнялари, акселератори ва коворкинг марказлари Академияга ажратилади. Келажакда Нурафшон шаҳридаги “ақлли шаҳар” ҳудудида замонавий инфратузилмага эга кичик ва ихчам “Science Park” ташкил этилади.
2020 йил 1 апрелга қадар қуйидаги платформалар ташкил этилади:
- “Ғоялар генераторлари” - Ёшлар академиясининг асосий йўналишларига тегишли бўлган маълум бир муаммонинг ечимига қаратилган инновацион ғояга эга жамоалар платформаси;
- “Стартаплар” - ўз ғояси ва ушбу ғояни амалга оширишга қаратилган стартап лойиҳалари ва уларни амалга ошириш бўйича аниқ режага эга жамоалар платформаси;
- “Бизнес вакиллари” - фаолиятида илм-фан ва инновация ютуқларини қўллаган ва тегишли соҳада камида 1 йиллик тажрибага эга бўлган жамоалар платформаси;
- “Бўлажак академиклар” - юқоридаги платформаларда фаол иштирок этган, мамлакатнинг илм-фан ривожланишига катта ҳисса қўшаётган юқори илмий салоҳиятга эга олимлар платформаси.
Бундан ташқари, Инновацион ривожланиш вазирлиги ҳузурида Ёшлар академиясининг иқтидорли ёшларни қўллаб-қувватлаш Жамғармаси ташкил этилди.
|
Шакллантириш манбалари |
Молиялаштириш йўналишлари |
|
|
Жамғарманинг Ёшлар академияси фаолияти билан боғлиқ харажатларини молиялаштириш Васийлик кенгашининг қарорига асосан амалга оширилади. Ёшлар академияси аъзоларининг лойиҳалари “Yoshlar-kelajagimiz” Давлат дастури доирасида молиялаштирилади. Ёшлар академияси аъзоларининг малакасини ошириш ва уларни хорижий стажировкаларга юбориш “Эл-юрт умиди” жамғармаси томонидан тўланади.
Давлат илмий-техника дастурлари доирасида бажариладиган ёш олимлар илмий-техник лойиҳалари Ёшлар академияси аъзолари томонидан амалга оширилади.
Ҳужжат Қонун ҳужжатлари маълумотлари миллий базасида эълон қилинган ва 31.08.2019 йилдан кучга кирди.
Олег Заманов.
