Президентнинг 07.03.2025 йилдаги "Хотин-қизлар тадбиркорлигини ривожлантиришни қўллаб-қувватлашга оид қўшимча чора-тадбирлар тўғрисида"ги ПҚ-96-сон қарори қабул қилинди.
Хотин-қизларни тадбиркорлик фаолиятига жалб этиш ва уларнинг лойиҳаларини молиялаштиришни кенгайтириш мақсадида 2025 йилда хотин-қизлар лойиҳаларини қўллаб-қувватлаш учун қўшимча равишда 200 млн АҚШ доллари йўналтирилади.
Тикланиш ва тараққиёт жамғармаси етти йил муддатга, Марказий банкнинг асосий йиллик ставкаси бўйича жами 100 млн АҚШ доллари эквивалентида – шундан АТ "Халқ банки"га – 35 млн АҚШ доллари, "Бизнес ривожланиш банки" АТБга – 35 млн АҚШ доллари ва "Микрокредитбанк" АТБга – 30 млн АҚШ доллари миқдорида кредит ресурсларини ажратади.
Тижорат банклари "Маҳалла лойиҳаси" дастури доирасида лойиҳаларни молиялаштириш учун ташқи молия бозорларидан 100 млн АҚШ доллари ҳам жалб қилишлари керак.
Ҳужжат билан аёллар лойиҳаларини молиялаштириш учун кредитлар қуйидагича берилиши белгиланган:
- "Бизнесни ривожлантириш банки" АТБга ажратилган маблағлар ҳисобидан, "Hamroh" аёллар-тадбиркорларни қўллаб-қувватлаш дастури доирасида белгиланган тартиб ва механизмларга мувофиқ;
- АТ "Халқ банки" ва "Микрокредитбанк" АТБга ажратилган маблағлар ҳисобидан, Оилавий тадбиркорликни ривожлантириш дастури доирасида белгиланган тартиб ва механизмларга мувофиқ.
Ҳужжат Қонун ҳужжатлари маълумотлари миллий базасида эълон қилинган ва 08.03.2025 йилдан кучга кирди.
Лола Абдуазимова
