Қачон молиявий санкциялар қўлланилмайди

Кўрсатилишича, молия-хўжалик фаолиятини амалга ошириш чоғида биринчи марта ҳуқуқбузарлик содир этган тадбиркорлик субъекти қонун ҳужжатларида белгиланган муддатларда йўл қўйилган қоидабузарликларни ихтиёрий равишда бартараф этган ва етказилган моддий зарарнинг ўрнини қоплаган, шу жумладан солиқларни ва бошқа мажбурий тўловларни тўлаган тақдирда, унга нисбатан жарималар ҳамда молиявий санкциялар (пенядан ташқари) қўлланилиши мумкин эмас.

Эслатиб ўтамиз, СКнинг 109-моддасига кўра шахс солиққа оид ҳуқуқбузарлик учун қуйидаги ҳолатлардан лоақал биттаси мавжуд бўлган тақдирда жавобгарликка тортилиши мумкин эмас:

- солиққа оид ҳуқуқбузарлик содир этганлиги фактининг йўқлиги;

- солиққа оид ҳуқуқбузарлик содир этилишида шахснинг айби йўқлиги. 

Кўрсатилган ўзгаришлар 2017 йилнинг 1 январидан кучга кирди.

Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан яқин кунларда «Ўзбекистон Республикаси қонунчилиги» ахборот-қидирув тизимида танишиш мумкин.

 Олег ЗАМАНОВ,

экспертимиз.

Мавзуга оид материал:

Тадбиркорларни режадан ташқари ва муқобил текширишлар  бекор қилинади