Товарларнинг келиб чиқиши тўғрисидаги сертификат 1 кунда берилади

Энди илгари бир хил товар¹ учун сертификат олган ариза берувчи мурожаат қилган тақдирда, товарларнинг келиб чиқишини сертификатлаш ариза топширилган вақтдан бошлаб бир иш куни мобайнида амалга оширилади, бунда аризада товар номи ва миқдоридан сўнг илгари берилган сертификатнинг рақами кўрсатилади.

Аризага илова қилинадиган ҳужжатлар, шу жумладан, реэкспорт қилинаётган товарнинг келиб чиқиши тўғрисидаги сертификатни олиш юзасидан мурожаат қилганда ҳужжатлар ариза берувчи томонидан ваколатли органга бевосита, почта алоқа воситалари орқали ёки электрон шаклда ахборот тизими орқали тақдим этилади. Электрон шаклда тақдим этилган ҳужжатлар ариза берувчининг электрон рақамли имзоси билан тасдиқланади.

Қарор айрим бошқа ўзгартиришларни ҳам сақлайди ҳамда 01.01.2017 йилдан кучга киради.

Мазкур ҳужжатнинг тўлиқ матни билан, улар билан боғланган бошқа қонун ҳужжатларига шарҳлар ва ҳаволалар билан«Ўзбекистон Республикаси қонунчилиги» ахборот-қидирув тизимида танишиш мумкин.

Олег ЗАМАНОВ,

экспертимиз.

Мавзуга оид материал:

Тадбиркорларни режадан ташқари ва муқобил текширишлар  бекор қилинади

¹ Бир хил товар – айнан бир ишлаб чиқарувчи томонидан бир хил технологик жараёнга асосан ишлаб чиқарилган, айнан бир ариза берувчи томонидан сертификатлаш учун тақдим этилган, ТИФ ТН кодлари бўйича бир хил таркибга, номга (шу жумладан, модели, русуми, нави бўйича) эга товар.