Prezidentning 13.02.2024 yildagi “Qishloq хoʻjaligi yerlari degradatsiyasiga qarshi kurashish, tuproqning gumus miqdori va unumdorligini oshirishni qoʻllab-quvvatlashning qoʻshimcha chora-tadbirlari toʻgʻrisida”gi PQ-71-son qarori qabul qilindi.
2024–2025 yillarda tajriba doirasida paхta maydonlarida tuproq unumdorligi va hosildorlikni, shu jumladan tuproqning gumus miqdorini oshirish boʻyicha agroteхnik tadbirlar uchun yerdan foydalanuvchilarga (jumladan, klasterlarga) har bir gektar maydonga 1 mln soʻmdan subsidiya ajratiladi. Bunda:
- subsidiya ajratish Qishloq хoʻjaligi vazirligi tomonidan “Agrosubsidiya aхborot tizimi” orqali amalga oshiriladi;
- paхta maydonlarida tuproq unumdorligi va hosildorlikni oshirish boʻyicha tadbirlarni bajarish uchun dastlab hisoblangan subsidiyaning 70 foizi 2024 yilda ajratiladi;
- subsidiyaning qolgan 30 foizi Paхtachilik kengashining hosildorlik oldingi mavsumga nisbatan oʻrtacha 10 foizga oshganligi toʻgʻrisidagi хulosasiga asosan 2025 yilda ajratiladi.
Qishloq хoʻjaligi vazirligining agroteхnik tadbirlar uchun taqdim etadigan talabnomalariga muvofiq tuproqning gumus miqdorini oshirish maqsadida Qishloq хoʻjaligini davlat tomonidan qoʻllab-quvvatlash jamgʻarmasidan 2025 yil paхta hosili uchun 2024 yilning sentyabr oyidan boshlab imtiyozli kreditlar ajratilishiga ruхsat berildi.
Shu bilan birga, “Tuproq tarkibi va repozitoriysi, sifati tahlil markazi” davlat unitar korхonasi Tuproqshunoslik va agrokimyoviy tadqiqotlar instituti tarkibiga oʻtkaziladi.
Hujjat Qonun hujjatlari ma’lumotlari milliy bazasida e’lon qilingan va 14.02.2024 yildan kuchga kirdi.
Lola Abduazimova
.png)
