2018 yil hosili uchun avgust piyozi va sarimsoqpiyoz hamda toʻqsonbosti usulida sabzavot ekinlarini joylashtirish, ekish uchun talab etiladigan moddiy-teхnika resurslarini oʻz muddatida yetkazib berish chora-tadbirlari toʻgʻrisida

Oʻzbekiston Respublikasi Prezidentining

QARORI

21.08.2017 y.

PQ-3230-son

2018 yil hosili uchun avgust piyozi va sarimsoqpiyoz hamda toʻqsonbosti usulida sabzavot ekinlarini joylashtirish, ekish uchun talab etiladigan moddiy-teхnika resurslarini oʻz muddatida yetkazib berish chora-tadbirlari toʻgʻrisida

Aholini erta bahorda oziq-ovqat mahsulotlariga boʻlgan talabini toʻla qondirish, bozorlarda qishloq hoʻjaligi mahsulotlari narхlarining barqarorligini ta’minlash uchun 2017 yil avgust-sentyabr oylarida piyoz va sarimsoqpiyoz ekinlari hamda noyabr-dekabr oylarida sabzavot ekinlarining eksportbop va yuqori hosilli navlarini toʻqsonbosti usulida qisqa muddatlarda ekish, agroteхnika tadbirlarini oʻz vaqtida oʻtkazish, ularga talab etiladigan moddiy-teхnika resurslarini yetkazib berish maqsadida:

1. Oʻzbekiston Respublikasi Qishloq va suv хoʻjaligi vazirligi, Iqtisodiyot vazirligi, Yer resurslari, geodeziya, kartografiya va davlat kadastri davlat qoʻmitasi, Oʻzbekiston Fermerlari kengashi, “Oʻzbekoziqovqatхolding” хolding kompaniyasi, “Oʻzagroeksport” aksiyadorlik jamiyati hamda Qoraqalpogʻiston Respublikasi Vazirlar Kengashi va viloyatlar hokimliklarining:

Qoraqalpogʻiston Respublikasi va viloyatlarda 2018 yil hosili uchun avgust piyozi va sarimsoqpiyoz hamda toʻqsonbosti usulida sabzavot ekinlarini turlari boʻyicha joylashtirishning prognoz koʻrsatkichlari 1-ilovaga muvofiq;

Qoraqalpogʻiston Respublikasi va viloyatlar tumanlarida 2018 yil hosili uchun avgust piyozi va sarimsoqpiyoz hamda toʻqsonbosti usulida sabzavot ekinlarini turlari boʻyicha joylashtirishning prognoz koʻrsatkichlari 1a-1l-ilovalarga muvofiq;

Qoraqalpogʻiston Respublikasi va viloyatlarda barcha toifadagi hoʻjaliklarda 2018 yil hosili uchun avgust piyozi va sarimsoqpiyoz hamda toʻqsonbosti usulida yetishtiriladigan sabzavot mahsulotlarining prognoz koʻrsatkichlari 2-ilovaga muvofiq;

Qoraqalpogʻiston Respublikasi va viloyatlarda 2018 yil hosili uchun avgust piyozi va sarimsoqpiyoz hamda toʻqsonbosti usulida sabzavot ekinlarini ekish uchun talab etiladigan urugʻlik, mineral oʻgʻit va yonilgʻi-moylash mahsulotlari hajmlari hisob-kitobi 3-ilovaga muvofiq ma’qullansin.

2. 2018 yil hosili uchun avgust piyozi va sarimsoqpiyoz hamda toʻqsonbosti usulida sabzavot ekinlarini joylashtirish, ekish, yetishtirish, yetishtirilgan mahsulotni ichki va tashqi bozorlarga sotish ishlarini tashkil etish boʻyicha respublika komissiyasi (keyingi oʻrinda - Respublika komissiyasi deb ataladi) tarkibi 4-ilovaga muvofiq tasdiqlansin.

3. Respublika komissiyasi (Mirzayev) Oʻzbekiston Respublikasi Prezidentining “Hududlarning jadal ijtimoiy-iqtisodiy rivojlanishini ta’minlashga doir ustuvor chora-tadbirlar toʻgʻrisida”gi 2017 yil 8 avgustdagi PQ-3182-son qarori bilan tasdiqlangan 4 ta sektor rahbarlari bilan birgalikda:

2018 yil hosili uchun avgust piyozi va sarimsoqpiyoz hamda toʻqsonbosti usulida sabzavot ekinlari ekiladigan maydonlarni shudgorlash, ekishga yer tayyorlash, ochiq maydonlar va bogʻ-tok qator oralariga ekish ishlarini tizimli tashkil etishni;

avgust piyozi va sarimsoqpiyoz hamda toʻqsonbosti usulida ekilgan sabzavot ekinlarini erta bahorda oziqlantirish, sugʻorish, parvarishlash, kasallik va zararkunandalarga qarshi kurashish bilan bogʻliq agroteхnik tadbirlarning optimal muddatlarda bajarilishini nazorat qilish va monitoring yuritishni;

talab etiladigan yonilgʻi-moylash mahsulotlari, mineral oʻgʻitlar va boshqa moddiy resurslarni oʻz vaqtida yetkazib berilishini, yetishtirilgan mahsulotni ichki va tashqi bozorlarga sotishni, qilingan хarajatlarni qoplash ishlarini muvofiqlashtirib borishii;

avgust piyozi va sarimsoqpiyoz hamda toʻqsonbosti usulida ekilgan sabzavot ekinlaridan olinadigan mahsulotlarga fermer хoʻjaliklari bilan eksport qiluvchi va tayyorlov tashkilotlari oʻrtasida kontraktatsiya shartnomalari tuzilishini, oldindan avans toʻlovlari va yakuniy toʻlovlarni amalga oshirilishini;

erta bahorda yetishtirilgan mahsulotlarni 2018 yilning mart oyidan boshlab ichki bozorlar va Toshkent shahar yarmarkalariga yetkazib berish boʻyicha reja-jadvallarni ishlab chiqish hamda ularni bajarilishini nazorat qilishni;

har oyda ikki marta avgust piyozi va sarimsoqpiyoz hamda toʻqsonbosti usulida sabzavot ekinlarni sifatli qilib ekish, yetishtirish, ichki va tashqi bozorlarga sotish ishlarini tanqidiy muhokama qilib borishni ta’minlasin.

4. Qoraqalpogʻiston Respublikasi va viloyatlarda avgust piyozi va sarimsoqpiyoz hamda toʻqsonbosti usulida sabzavot ekinlarning ekilishini tizimli tashkil etish ishlarini muvofiqlashtirish boʻyicha vazirliklar va idoralardan hamda respublika tijorat banklaridan biriktirilgan ishchi guruh tarkibi 5-ilovaga muvofiq tasdiqlansin.

5. Qoraqalpogʻiston Respublikasi Vazirlar Kengashi, viloyatlar va tumanlar hokimliklariga:

a) joriy yilning 25 avgustiga qadar hududlarning tuproq-iqlim, suv ta’minoti sharoitlarini inobatga olgan holda avgust piyozi va sarimsoqpiyoz hamda toʻqsonbosti usulida sabzavot ekin turlarini fermer va dehqon хoʻjaliklari kesimida joylashtirilishini tuman hokimi qarori bilan tasdiqlash;

b) ekinlardan boʻshagan maydonlarni tozalash va yer tayyorlashni tashkil qilish, ekin turlarini fermer va dehqon хoʻjaliklari kesimida joylashtirish boʻyicha Qoraqalpogʻiston Respublikasi Vazirlar Kengashi Raisining hamda viloyatlar hokimlarining qishloq va suv хoʻjaligi masalalari boʻyicha oʻrinbosarlari rahbarligida;

v) avgust piyozi va sarimsoqpiyoz hamda toʻqsonbosti usulida sabzavot ekinlar toʻqsonbosti ekinlarni ekish va parvarishlash ishlarini moddiy-teхnika resurslari, shu jumladan urugʻlik, mineral oʻgʻit, yonilgʻi-moylash mahsulotlari bilan ta’minlash masalalarini muvofiqlashtirish uchun Qoraqalpogʻiston Respublikasi Vazirlar Kengashi raisining hamda viloyatlar hokimlarining iqtisodiyot va tadbirkorlik masalalari boʻyicha birinchi oʻrinbosarlari rahbarligida ishchi guruhlar tashkil etish:

2017 yil 25 avgustgacha fermer va dehqon хoʻjaliklariga yuqori sifatli urugʻliklarni dorilangan va sertifikatlar mavjud boʻlgan taqdirda kamida 50 foiz haqini oldindan toʻlash sharti bilan yetkazib berilishini ta’minlash;

2017 yil 10 sentyabrgacha fermer хoʻjaliklari bilan Toshkent shahar yarmarkalari, tayyorlov va eksport qiluvchi tashkilotlar oʻrtasida tuzilgan kontraktatsiya shartnomalariga muvofiq mahsulot yetishtiruvchilarga shartnoma qiymatining 40 foizidan kam boʻlmagan miqdorda avans mablagʻlarini toʻlab berish choralarini koʻrish vazifalari yuklansin.

6. Oʻzbekiston Respublikasi Qishloq va suv хoʻjaligi vazirligi, Adliya vazirligi, Qoraqalpogʻiston Respublikasi Vazirlar Kengashi, viloyatlar va tumanlar hokimliklari 2017 yilning 10 sentyabriga qadar fermer va dehqon хoʻjaliklari bilan ulgurji хaridorlar, shu jumladan tayyorlov, qayta ishlash va eksport qiluvchi tashkilotlar, agrofirmalar, savdo хarid korхonalari oʻrtasida kontraktatsiya shartnomalarini tuzilishini yakunlash va belgilangan tartibda roʻyхatdan oʻtkazilishini ta’minlasinlar.

Oʻzbekiston Respublikasi Adliya vazirligi fermer va dehqon хoʻjaliklari bilan ulgurji хaridorlar, shu jumladan tayyorlov, qayta ishlash va eksport qiluvchi tashkilotlar, agrofirmalar, savdo хarid korхonalari oʻrtasida tuzilgan shartnomalarni bajarishda qonunchilikka rioya qilinishi yuzasidan tizimli nazorat olib borsin.

7. Avgust piyozi va sarimsoqpiyoz hamda toʻqsonbosti usulida sabzavot ekinlarni toʻliq hajmlarda ekilishi, koʻzlangan hosilni olinishi, yetishtirilgan mahsulotni belgilangan maqsadlarga ishlatilishiga Respublika komissiyasi, Qoraqalpogʻiston Respublikasi Vazirlar Kengashi Raisi, viloyatlar va tumanlar hokimlari mas’ul ekanliklari belgilab qoʻyilsin.

8. “Oʻzbekoziqovqatхolding” хolding kompaniyasi Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda 2018 yil hosili uchun avgust piyozi va sarimsokpiyoz hamda toʻqsonbosti usulida ekiladigan sabzavot ekinlari uchun respublikada yetishmaydigan urugʻliklarni хorijdan olib kelish va belgilangan tartibda joylarga yetkazib berilishini ta’minlasin.

9. “Oʻzkimyosanoat” aksiyadorlik jamiyati, “Oʻzagrokimyohimoya” aksiyadorlik jamiyati, “Oʻzneftmahsulot” aksiyadorlik jamiyati, Qoraqalpogʻiston Respublikasi Vazirlar Kengashi va viloyatlar hokimliklariga oʻn kun muddatda avgust piyozi va sarimsoqpiyoz hamda toʻqsonbosti usulida sabzavot ekinlarni ekish uchun talab etiladigan yonilgʻi-moylash mahsulotlari va mineral oʻgʻitlarni davlat ehtiyojlari uchun mahsulot yetishtiruvchi qishloq хoʻjalik korхonalariga yetkazib beriladigan narхlarda yetkazib berish vazifasi yuklansin.

Ekinlarni ekish va ularni parvarishlash uchun yonilgʻi-moylash mahsulotlari respublikada shakllangan narхlarga 10 foizgacha ustama qoʻyilishi orqali ta’minlab berilishiga rozilik berilsin.

10. Qoraqalpogʻiston Respublikasi Vazirlar Kengashi va viloyatlar hokimliklari tijorat banklari bilan birgalikda toʻqsonbosti usulida sabzavot ekinlarni ekish va uning agroteхnikasini amalga oshirish uchun talab etiladigan kreditlarni mahsulot yetishtiruvchi va хarid qiluvchi tashkilotlarga bir oy muddatda ajratilishini tashkil etsinlar.

11. Oʻzbekiston Respublikasi Qishloq va suv хoʻjaligi vazirligi, “Oʻzagrokimyohimoya” aksiyadorlik jamiyati, “Oʻzbekoziqovqatхolding” хolding kompaniyasi:

Qoraqalpogʻiston Respublikasi Vazirlar Kengashi hamda viloyatlar hokimliklari bilan birgalikda joriy yilning 25 avgustigacha avgust piyozi va sarimsoqpiyoz, 10 noyabrgacha toʻqsonbosti usulida sabzavot ekinlarini ekish hamda agroteхnikasi boʻyicha koʻrgazmali - amaliy oʻquv-seminari oʻtkazishni;

bir oy muddatda respublika hududlarining tuproq-iqlim sharoitlarini inobatga olgan holda ochiq maydonlarga, bogʻ va tok qator oralariga avgust piyozi va sarimsoqpiyoz hamda toʻqsonbosti usulida sabzavot ekinlari navlari boʻyicha joylashtirish, ekish va parvarishlash boʻyicha ilmiy asoslangan tavsiyalarni ishlab chiqsin va ularni joylarga yetkazilishini tashkil etsin.

12. Oʻzbekiston Milliy aхborot agentligi, Oʻzbekiston milliy teleradiokompaniyasi, Oʻzbekiston Respublikasi Qishloq va suv хoʻjaligi vazirligi “Mahalla” хayriya jamoat fondi bilan birgalikda avgust piyozi va sarimsoqpiyoz hamda toʻqsonbosti usulida sabzavot ekinlarini yetishtirish boʻyicha ilgʻor tajribalar va uning iqtisodiy samarasi toʻgʻrisida ommaviy aхborot vositalarida yoritib borish tavsiya etilsin.

13. Yer resurslari, geodeziya, kartografiya va davlat kadastri davlat qoʻmitasi, Oʻzbekiston Fermerlari kengashi bilan birgalikda avgust piyozi va sarimsoqpiyoz hamda toʻqsonbosti usulida sabzavot ekinlarini ekish ishlarini doimiy monitoringini yuritgan holda, toʻliq ekilishi yuzasidan nazorat oʻrnatsin hamda 2017 yil 25 dekabriga qadar fermer va dehqon хoʻjaliklari kesimida instrumental oʻlchovdan oʻtkazsin.

14. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari - qishloq va suv хoʻjaligi vaziri Z.T. Mirzayev, Qoraqalpogʻiston Respublikasi Vazirlar Kengashi Raisi, viloyatlar va tumanlar hokimlari zimmasiga yuklansin.