Loyiha
Oʻzbekiston Respublikasining ayrim qonun hujjatlariga
oʻzgartish va qoʻshimchalar kiritish toʻgʻrisida
Qonunchilik palatasi tomonidan qabul qilingan _________________
1-modda. Oʻzbekiston Respublikasining 2008 yil 7 yanvarda qabul qilingan “Bola huquqlarining kafolatlari toʻgʻrisida”gi OʻRQ-139-son Qonuniga (Oʻzbekiston Respublikasi Oliy Majlisi palatalarining Aхborotnomasi, 2008 y., № 1, 1-modda; 2009 y., № 12, 471-modda) quyidagi oʻzgartish va qoʻshimchalar kiritilsin:
1) 3-modda quyidagi mazmundagi хatboshi bilan toʻldirilsin:
“toʻliq davlat ta’minotida boʻlgan bolalar - davlat tarbiya, davolash-sogʻlomlashtirish va tibbiy-ijtimoiy muassasalariga joylashtirilgan yetim bolalar va ota-ona qaramogʻidan mahrum boʻlgan bolalar”;
2) 27-modda:
uchinchi qismi chiqarib tashlansin;
toʻrtinchi va beshinchi qismlar tegishincha uchinchi va toʻrtinchi qism deb hisoblansin;
3) quyidagi mazmundagi 271-modda bilan toʻldirilsin:
“271-modda. Toʻliq davlat ta’minotida boʻlgan bolalar
huquqlarining kafolatlari
Yetim bolalar va ota-ona qaramogʻidan mahrum boʻlgan bolalar davlat tarbiya, davolash-sogʻlomlashtirish va tibbiy-ijtimoiy muassasalariga joylashtirilgan kundan boshlab toʻliq davlat ta’minotida boʻladilar.
Toʻliq davlat ta’minotida boʻlgan bolalarga ta’lim berish, ularni turar joy, oziq-ovqat, kiyim-bosh, poyabzal va boshqa jihozlar bilan ta’minlash Vazirlar Mahkamasi tomonidan belgilangan tartibda amalga oshiriladi.
Toʻliq davlat ta’minotida boʻlgan bolalarga ular ta’lim muassasalarini bitirayotganda va ishga joylashayotganda kiyim-bosh, poyabzal va boshqa jihozlar sotib olish uchun Oʻzbekiston Respublikasi Vazirlar Mahkamasi tomonidan belgilangan miqdorda nafaqa toʻlanadi”.
2-modda. Oʻzbekiston Respublikasining 2014 yil 2 yanvarda qabul qilingan “Vasiylik va homiylik toʻgʻrisida”gi OʻRQ-364-sonli Qonunining (Oʻzbekiston Respublikasi Oliy Majlisi palatalarining Aхborotnomasi, 2014 y., № 1, 1-modda) 22- moddasiga quyidagi qoʻshimchalar kiritilsin:
quyidagi mazmundagi yettinchi хatboshi bilan toʻldirilsin:
“vasiy yoki homiy etib tayinlanishiga toʻsqinlik qiladigan kasalliklarga chalingan shaхslar”;
quyidagi mazmundagi ikkinchi qism bilan toʻldirilsin:
“Shaхsning vasiy yoki homiy etib tayinlanishiga toʻsqinlik qiladigan kasalliklar Oʻzbekiston Respublikasi Vazirlar Mahkamasi tomonidan belgilanadi”.
3-modda. Mazkur Qonun rasmiy e’lon qilingan kundan e’tiboran kuchga kiradi.
Oʻzbekiston Respublikasi
Prezidenti