Oʻzbekiston Respublikasida ishlab chiqariladigan, realizatsiyasi boʻyicha aylanmasi qoʻshilgan qiymat soligʻidan ozod etiladigan oziq ovqat mahsulotlari Roʻyхati e’lon qilindi. Moliya vazirligi telegram-kanalida roʻyхatga havolani joylashtirdi.
QQSdan ozod etish boʻyicha imtiyoz Oʻzbekistonda ishlab chiqariladigan oziq-ovqat mahsulotlarini ulgurji va chakana realizatsiya qilishda (non-bulka mahsulotlari – shuningdek ishlab chiqarishda, tahr.) qoʻllaniladi.
Roʻyхatga quyidagi tovarlar kiritildi:
- goʻsht (mol, qoʻy, tovuq goʻshti), shuningdek tirik hayvonlar (chorva mollari, parrandalar) va ularni soʻyib olingan mahsulotlar;
- baliq;
- kartoshka;
- piyoz;
- tuхum;
- guruch (barcha navlari);
- shakar;
- non-bulka mahsulotlari (ishlab chiqarish va realizatsiya qilishda).
Eslatib oʻtamiz, 2019 yil 1 yanvardan QQSni qoʻllash tartibida oʻzgartirishlar sodir boʻldi: uni toʻlovchilar doirasi kengaytirildi, hisoblab chiqarishning soddalashtirilgan tartibi va uzoq muddatli aktivlar boʻyicha hisobga olish joriy etildi (batafsil bu yerga va bu yerga qarang).
