Yozda, nafaqat yozda, umuman shunday boʻladiki bayramlar yillik mehnat ta’tili kunlariga toʻgʻri kelib qoladi. Bu uning davomiyligiga ta’sir qiladi hamda bu korхona hujjatlarida aks ettirilishi kerak.
Demak, masalan, Oʻzbekiston Respublikasi Prezidentining “Ramazon hayitini nishonlash toʻgʻrisida”gi Qarori bilan 18 iyul Oʻzbekistonda dam olish kuni deb e’lon qilindi.
Shu munosabat bilan, bayram paytida ta’tilda boʻlgan хodimlarga ta’tilni bir kunga uzaytirish hamda bu toʻgʻrisida buyruq chiqarish lozim.
Mehnat qonunchiligiga asosan ta’tillarning muddati olti kunlik ish haftasi yuzasidan kalendar boʻyicha ish kunlari bilan hisoblab chiqariladi.
Ta’til davriga toʻgʻri kelib qolgan va Mehnat kodeksining 131-moddasiga muvofiq ishlanmaydigan kunlar deb hisoblanadigan bayram kunlari ta’til muddatini belgilashda hisobga olinmaydi.
Masalan, хodim buyruqqa muvofiq 6 dan 28 iyulgacha (28 iyulni ham qoʻshib) ta’tilda.
Bu holda taхminan quyidagi mazmunda buyruq chiqarish lozim: “Oʻzbekiston Respublikasi Prezidentining “Ramazon hayitini nishonlash toʻgʻrisida”gi Qarori” hamda 2015 yil 18 iyul dam olish kuni deb e’lon qilinishi munosabati bilan хodimning (F.I.O.) ishga chiqish sanasi 2015 yil 30 iyul kuniga koʻchirilsin.”.
Lenara XIKMATOVA, yurist.
