Ёзда, нафақат ёзда, умуман шундай бўладики байрамлар йиллик меҳнат таътили кунларига тўғри келиб қолади. Бу унинг давомийлигига таъсир қилади ҳамда бу корхона ҳужжатларида акс эттирилиши керак.
Демак, масалан, Ўзбекистон Республикаси Президентининг “Рамазон ҳайитини нишонлаш тўғрисида”ги Қарори билан 18 июль Ўзбекистонда дам олиш куни деб эълон қилинди.
Шу муносабат билан, байрам пайтида таътилда бўлган ходимларга таътилни бир кунга узайтириш ҳамда бу тўғрисида буйруқ чиқариш лозим.
Меҳнат қонунчилигига асосан таътилларнинг муддати олти кунлик иш ҳафтаси юзасидан календарь бўйича иш кунлари билан ҳисоблаб чиқарилади.
Таътил даврига тўғри келиб қолган ва Меҳнат кодексининг 131-моддасига мувофиқ ишланмайдиган кунлар деб ҳисобланадиган байрам кунлари таътил муддатини белгилашда ҳисобга олинмайди.
Масалан, ходим буйруққа мувофиқ 6 дан 28 июлгача (28 июлни ҳам қўшиб) таътилда.
Бу ҳолда тахминан қуйидаги мазмунда буйруқ чиқариш лозим: “Ўзбекистон Республикаси Президентининг “Рамазон ҳайитини нишонлаш тўғрисида”ги Қарори” ҳамда 2015 йил 18 июль дам олиш куни деб эълон қилиниши муносабати билан ходимнинг (Ф.И.О.) ишга чиқиш санаси 2015 йил 30 июль кунига кўчирилсин.”.
Ленара ХИКМАТОВА, юрист.
