13-14 fevral kunlari Markaziy bankda yangi tahrirdagi “Banklar va bank faoliyati toʻgʻrisida”gi Qonun loyihasi muhokamasiga bagʻishlangan davra suhbati boʻlib oʻtdi.
Ushbu loyiha Jahon banki va Markaziy bank hamkorligida Bazel samarali bank nazorati prinsiplarini hamda eng yaхshi хalqaro amaliyotni hisobga olgan holda ishlab chiqilgan.
Unda amaldagi banklarga oid qonun hujjatlaridan keskin farq qiluvchi oʻzgartirishlarni kiritish nazarda tutilgan. Xususan, regulyator vakolatlarini kuchaytirish, investorlarning tegishli komplayens-tekshiruviga nisbatan talablarni oshirish (bu yerga qarang), asoslangan mulohazalarni hamda riskka asoslangan nazoratni amalga oshirishda oldindan ta’sir choralarini qoʻllash kabi yangilanishlar e’tiborga olingan.
Qonun loyihasining muhokamasida Jahon banki, Markaziy bank, Oʻzbekiston Respublikasi Prezidenti Administrasiyasi, Bosh prokuratura, Moliya vazirligi, Adliya vazirligi, Iqtisodiyot va sanoat vazirligi, Savdo-sanoat palatasi, Monopoliyaga qarshi kurashish qoʻmitasi va Kapital bozorini rivojlantirish agentligi ekspertlari ishtirok etdi.
