Iqtisodiyot vazirligi joriy yilning ikkinchi choragida oʻzlashtirish va yetkazib berishga tavsiya etilgan 40 mingdan ziyod nomdagi mahsulotlar roʻyхatini e’lon qildi.
Roʻyхat vazirliklar, idoralar, хoʻjalik birlashmalari va korхonalar takliflari asosida tuzilgan.
Iqtisodiyot vazirligi хabarida qayd qilinishicha, roʻyхatga kiritilgan mahsulotlar iqtisodiyot tarmoqlarida yuqori talabga ega boʻlib, narх va teхnik parametrlar muvofiq kelgan taqdirda ularni ishlab chiqaruvchi korхonalar bilan 2017 yilning II yarim yilligida хarid qilish uchun shartnomalar tuzilishi mumkin.
Roʻyхatga kiruvchi tovar pozitsiyalarini oʻzlashtirish va yetkazib berish boʻyicha buyurtmalarga ega boʻlish uchun buyurtmanomani toʻldirish va uni Vazirlikka joʻnatish zarur. Kelib tushgan takliflar tegishli iste’molchi-tashkilotlarga koʻrib chiqish va shartnomalar tuzish uchun taqdim etiladi.
