2019 yil 20 avgustda Oʻzbekiston Respublikasi va Turkiya Respublikasi oʻrtasidagi ekstraditsiya toʻgʻrisidagi 2018 yil 30 apreldagi Bitim kuchga kirdi, deb хabar qildi TIV.
Bitim jinoiy-huquqiy sohada hamkorlikni kengaytirishga va ikki mamlakatning jinoyatchilikka qarshi kurashda yanada samarali hamkorligini ta’minlashga qaratilgan.
Hujjatda shaхslarni ushlab berish shartlari, ushlab berishni rad qilish uchun asoslar, soʻrovning shakli va mazmuni, shuningdek soʻralayotgan tomonga beriladigan zaruriy tasdiqlovchi hujjatlar nazarda tutilgan.
Bitimga muvofiq mamlakatlar soʻrayotgan tomonga jinoiy javobgarlikka tortish uchun yoki ushlab berishga olib keladigan huquqbuzarlik uchun hukmni bajarish maqsadida qidirilayotgan shaхslarni ushlab berish majburiyatini oladi.
