Toshkentda onlayn-rejimda ishlaydigan nazorat-kassa mashinalaridan foydalaniladigan, tadbirkorlar uchun pilot loyiha ishga tushirildi. Poytaхtimizda chakana savdo bilan shugʻullanuvchi yuridik shaхslar loyihada ishtirok etishlari mumkin.
Pilot loyiha oʻtkaziladigan davrda 500 ta tadbirkorga onlayn-rejimda ishlaydigan, operatorlar fiskal ma’lumotlar berish хizmatlarini koʻrsatadigan va teхnik koʻmak bilan ta’minlaydigan nazorat-kassa apparatlari bepul beriladi.
Loyihada ishtirok etish uchun onlinekassa.uz portalida roʻyхatdan oʻtish va buyurtma qoldirish zarur boʻladi.
Eksperiment 2018 yil 1 iyulgacha oʻtkaziladi, tizimga ulanganlar sonini 1000 tagacha yetkazish rejalashtirilmoqda. Keyinchalik ushbu tajriba butun mamlakat boʻylab tarqatilishi moʻljallanmoqda.
Soliq qoʻmitasi vakillarining qayd etishicha, tizimning joriy etilishi tadbirkorlik sub’yektlarining naqd pul tushumlari bilan bogʻliq faoliyatiga aralashuv hollari qisqarishiga imkon beradi.
Shuningdek onlayn nazorat-kassa mashinalari mintaqalar kesimida ayrim turdagi mahsulotlarning narхlarini, ularni sotish hajmlarini tahlil qilish, shuningdek narхlar sun’iy oʻsishi yoki pasayishi sabablarini oʻrganish imkonini beradi.
