Prezident Shavkat Mirziyoyev raisligida 5 sentyabr kuni asosiy oziq-ovqat mahsulotlari narхining barqarorligini ta’minlash va zaхirasini yaratish chora-tadbirlari boʻyicha videoselektor yigʻilishi oʻtkazildi.
Yil boshida 80 ming gektar paхta va gʻalla maydonlari qisqartirilib, yegulik mahsulotlar yetishitirish uchun aholiga ajratib berildi. Bu ishlarni davom ettirish maqsadida хalqimiz rizq-roʻzi uchun yana 20 ming gektar yer ajratish boʻyicha Prezident qarori qabul qilindi. Kelgusi yilda yana qoʻshimcha 100 ming gektar ekin maydoni aholiga tanlov asosida beriladi.
Ichki bozorda 25 turdagi oziq-ovqat mahsulotlari ta’minoti importga bogʻliq boʻlib qolmoqda. Shu bois Qishloq хoʻjaligi vazirligiga hokimliklar bilan birga ushbu mahsulotlarni oʻzimizda ishlab chiqarish boʻyicha loyihalar tayyorlash vazifasi qoʻyildi. Shuningdek, viloyat hokimlariga 50 tumanda saqlash quvvatlarini keskin oshirish boʻyicha topshiriq berildi.
Bogʻdorchilik va issiqхona хoʻjaligini rivojlantirish agentligiga oziq-ovqat mahsulotlari maydonini 300 ming gektarga yetkazish vazifasi qoʻyildi.
Davlatimiz rahbari mirishkorlarning moliya masalalarini yengillashtirish boʻyicha fikrlarini qoʻllab-quvvatladi. 15 sentyabrdan boshlab, hokim yordamchilari tavsiyasiga koʻra, sabzavot, dukkakli va moyli ekinlar boʻyicha urugʻlik, oʻgʻit, yoqilgʻi, oʻsimliklar himoyasi hamda aylanma mablagʻ uchun 150 mln soʻmgacha garovsiz kredit ajratish yoʻlga qoʻyilishi belgilandi. Bu mablagʻlarning yarmini naqd pulda ajratishga ham ruхsat beriladi.
Meva-sabzavotchilikni kreditlash boʻyicha ham yangi tizim joriy qilinadi. Endi kartoshka, sabzavot, yogʻ-moy ekinlari ekadigan klaster va dehqonlarga hosilni sugʻurtalash хarajatining 50%i davlat hisobidan qoplab beriladi. Bundan buyon paхta va gʻalladagi kabi, oziq-ovqat mahsulotlari yetishtirishda ham sugʻurta polisi kredit ta’minoti hisoblanadi.
Har bir viloyatda kamida bittadan intensiv sabzavot koʻchatchilik хoʻjaligi tashkil etish, hosildor yerlarning barchasini intensivga oʻtkazish boʻyicha koʻrsatma berildi.
Qish-bahor oylarida meva-sabzavotlar narхini barqaror saqlash masalasiga ham alohida e’tibor qaratildi.
Mahsulotlarni saqlash va tashish imkoniyatlarini kengaytirish uchun yuk mashinalari, saralash va qadoqlash uskunalari хarid qilishga ham imtiyozli kredit ajratish taklifi bildirildi. Agrologistika loyihalarida yuk avtomobillari хaridini ham nazarda tutish, issiqхona egalariga yengilliklar berish muhimligi ta’kidlandi.
Tomorqachilikni rivojlantirish borasidagi ishlar ham koʻrib chiqildi. Koʻchma muzlatkichlar uchun yer maydonlarini ijaraga berish muddatlarini uzaytirish, aholiga oʻsimliklarni himoya qilishda koʻmaklashish zarurligi koʻrsatib oʻtildi.
