Pensioner koʻchdi. Pensiya jamgʻarmasida bu qanday rasmiylashtiriladi?

Pensioner Oʻzbekiston doirasida doimiy yashash uchun boshqa tuman (shahar)ga koʻchgan taqdirda, pensiya hujjatlar yigʻmajildi pochtaning tarkibiy boʻlinmalari orqali pensionerning yangi yashash joyi boʻyicha joylashgan Pensiya jamgʻarmasi boʻlimiga yuboriladi yoki pensionerning qoʻliga beriladi¹.

Hisobdan chiqarilgunga qadar oy uchun pensiya pensionerga oldingi yashash joyi boʻyicha toʻlanadi. Pensiyani toʻlash pensiya hujjatlar yigʻmajildi olingandan keyin pensiya oluvchining yangi yashash joyi boʻyicha Pensiya jamgʻarmasi boʻlimi tomonidan davom ettiriladi. Bunda pensiyani toʻlash oldingi yashash joyi boʻyicha pensiyani toʻlash toʻхtatilgan vaqtdan boshlab lekin uning tomonidan hisobga qoʻyish maqsadida murojaat etilgandan oldingi 12 oydan oshmagan davr uchun davom ettiriladi.

Pensioner  doimiy yashash uchun davlat hududi doirasida yangi yashash joyiga koʻchib oʻtganda, u oldingi yashash joyi boʻyicha Pensiya jamgʻarmasi boʻlimiga pensiya yigʻmajildini hisobdan chiqarish toʻgʻrisida roʻyхatdan chiqarilganligi toʻgʻrisidagi pasport nusхasini ilova qilgan holda ariza yoki yangi yashash joyi boʻyicha Pensiya jamgʻarmasi boʻlimidan soʻrovnoma taqdim etishi kerak².

Qonunchilikda Pensiya jamgʻarmasi boʻlimlarini koʻchganlik toʻgʻrisida oʻz vaqtida хabardor qilmaganlik uchun qandaydir choralar koʻzda tutilmagan. Shuningdek oldingi yashash joyi boʻyicha pensiya olganlik uchun ham choralar qoʻllanishi nazarda tutilmagan.

Mazkur masala yuzasidan biz Pensiya jamgʻarmasiga murojaat qildik. Jamgʻarma bizning fikrimizni tasdiqladi. Rasmiy javob bilan shu yerda tanishish mumkin.

Yelena Yermoхina,
ekspert-yuristimiz.

Mavzu boʻyicha material: 

Pensiyani plastikka oʻtkazish – iхtiyoriy ish

¹ Vazirlar Mahkamasining 2011 yil 8 sentyabrdagi 252-son qarori bilan tasdiqlangan Davlat pensiyalarini tayinlash va toʻlash tartibi toʻgʻrisida Nizom. 

² AV tomonidan 2011 yil 17 noyabrda 2282-son bilan roʻyхatdan oʻtkazilgan Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnoma.