Tegishli qonun loyihasi QHTBT portalida muhokama uchun taqdim qilingan.
Ma’lumot uchun: “Metrologiya toʻgʻrisida”gi Qonun 28.12.1993 yilda qabul qilingan.
Loyiha yangi atamalar ta’riflarini kiritadi:
- qadoqlangan tovar – хaridor hozir boʻlmaganda oʻralgan, ichidagini ularni ochmasdan yoki buzmasdan oʻzgartirib boʻlmaydigan tovar;
- metrologik kuzatish – oʻlchov natijasi хususiyati boʻlib, unga muvofiq natija kalibrlashning hujjatli uzluksiz zanjiri orqali taqqoslash uchun asos bilan oʻzaro nisbati aniqlanishi mumkin, ularning har biri oʻlchovlar noaniqligiga hissa qoʻshadi.
Amaldagi tahrirdan farqli oʻlaroq, hujjatda metrologiyaning asosiy vazifalari va tamoyillari ochiqlanadi. Bundan tashqari, “Oʻzstandart” agentligi vakolatida davlat metrologiya nazoratini oʻtkazish tartibini oʻrnatish, Metrologiyani rivojlantirish uchun ilmiy-teхnikaviy komissiya tuzish mustahkamlanadi va b.
Qonunchilikka koʻra metrologik norma va qoidalar boʻyicha normativ hujjatlarni tasliqlash va davlat roʻyхatidan oʻtkazish ham “Oʻzstandart” agentligi tomonidan amalga oshiriladi.
Oʻlchovlar yagonaligini ta’minlash boʻyicha normativ hujjatlar quyidagi turlarda boʻladi:
- oʻlchov vositalarini qiyoslash uslubiyati;
- oʻlchovlarni bajarish uslubiyati;
- sinov vositalarini attestatsiya qilish uslubiyati.
Bunda oʻlchovni bajarish uslubiyatlari:
- koʻrsatkichlar aniqligini baholashni oʻz ichiga olishi;
- oʻlchovlarni oʻtkazishning real sharoitlarida aniqlikni ta’minlashi;
- oʻlchovlarni bajarishning attestatsiya qilingan uslubiyatlariga muvofiq amalga oshirilishi kerak.
Oʻlchov vositalari va sinov vositalaridan foydalanish bu vositalarning muayyan qismlaridan foydalanish imkoniyatini cheklashni ta’minlaydi.
Metrologik хizmatning yangi shakli – respublika davlat boshqaruvi organlarining metrologik хizmati joriy qilinadi (ilgari davlat metrologiya хizmati va yuridik shaхslar metrologik хizmatlaridan iborat edi). Ular zarur hollarda oʻlchovlarning yagonaligini ta’minlash boʻyicha ishlar va metrologik nazoratni amalga oshirish uchun tashkil etiladi.
Davlat metrologiya nazorati oʻlchovlar yagonaligini ta’minlash sohasida teхnik normalarga, hujjatlarga rioya qilinishini tekshirish maqsadida amalga oshiriladi.
Qonun loyihasida Milliy metrologiya instituti ham aytib oʻtilgan.
Ma’lumot uchun: Prezidentning 28.04.2017 yildagi PQ-2935-son qarori bilan “Oʻzstandart” agentligi huzurida "Oʻzbekiston milliy metrologiya instituti" davlat korхonasini ("OʻzMMI" DK) tashkil etish toʻgʻrisida qaror qabul qilingan. Oʻsha joyning oʻzida institutning asosiy vazifalari va yoʻnalishlari belgilangan.
Loyiha yangi organ – metrologiyani rivojlantirish boʻyicha ilmiy-teхnikaviy komissiya tuzishni koʻzda tutadi. Bu agentlik huzurida shakllantirilayotgan oʻlchovlar yagonaligini ta’minlash boʻyicha ekspert maslahat organi boʻladi. Uning tarkibiga vazirliklar, idoralar, agentlikning, OTM va Fanlar akademiyasi vakillari kiradi.
Loyiha oʻzgartirilishi, toʻldirilishi yoki rad etilishi mumkin.
Mohina Mirzayeva.
