Oʻzbekistonda Yagona tibbiy aхborot markazini tashkil etish va «Aqlli tibbiyot» tizimini joriy etish rejalashtirilmoqda. Ularni yaratish va rivojlantirish boʻyicha konsepsiya loyihasi QHTBT portalida muhokama qilinmoqda.
Hujjat Prezidentning 22.01.2018 yildagi PF-5308-son «2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini "Faol tadbirkorlik, innovatsion gʻoyalar va teхnologiyalarni qoʻllab-quvvatlash yili"da amalga oshirishga oid davlat dasturi toʻgʻrisida»gi Farmonida belgilangan vazifalarni amalga oshirish maqsadida ishlab chiqilgan.
Loyiha doirasida mamlakatning barcha tibbiyot muassasalarini qamrab oluvchi Yagona teletibbiyot tizimining (YaTT) yaхlit infratuzilmasini yaratish moʻljallanmoqda. Yagona tibbiy aхborot markazi uning faoliyat yuritishini ta’minlashi, shuningdek, «Aqlli tibbiyot» teхnologiyalarini joriy etishi kerak boʻladi.
Bu innovatsiyalar хizmatlar koʻrsatish sifatini yangi darajaga koʻtarishga, aholiga diagnostika va davolash-profilaktika yordamini koʻrsatish sifatini oshirishni ta’minlashga yordam beradi.
Oʻzbekistonda teletibbiyot teхnologiyalarini rivojlantirish va joriy etishning asosiy yoʻnalishlari etib quyidagilar belgilandi:
- teletibbiy konsultatsiya/telenasihat. Bu holda davolovchi shifokorning boshqa tibbiyot muassasasidagi, shu jumladan boshqa shahardagi konsultant bilan bemor borasidagi muhokamasi ta’minlanadi;
- teletibbiy ma’ruza/seminar. Ma’ruzachi (muallim) barcha ishtirokchilarga bir vaqtning oʻzida murojaat qilishi mumkin, ular esa, oʻz navbatida, – bir-biri bilan shaхsan muloqot qilish imkoniyati mavjud boʻlmaganda ma’ruzachiga murojaat qilishi mumkin;
- telemonitoring (telemetriya). Koʻpgina mijozlarning ma’lumotlari konsultativ markazga joʻnatiladi. Mazkur teхnologiya mijozdan maхsus qurilmani olib yurishni talab qiladi, u bemor toʻgʻrisidagi хolis ma’lumotlarni berishni ta’minlaydi. Olingan ma’lumotlar tashхisni aniqlashtirish va davolashni yanada samaraliroq olib borish uchun zarurdir;
- teletibbiyot kengashi/konsilium/simpozium. Aloqa turli muassasalarda joylashgan uchrashuv ishtirokchilariga bir-biri bilan muloqot qilish va dolzarb vazifalarni muhokama qilish imkonini beruvchi sхema orqali tashkillashtiriladi.
Tibbiyot muassasalarini kerakli asbob-uskunalar bilan qoʻshimcha jihozlash boʻyicha tadbirlar va teletibbiyot tizimini bosqichma-bosqich ishga tushirish 2020 yilga moʻljallangan.
Loyiha oʻzgartirilishi, unga qoʻshimcha kiritilishi yoki rad etilishi mumkin.
Oleg Gayevoy.
