Bu Vazirlar Mahkamasining 2019 yil 24 sentyabrdagi 800-son qarorida nazarda tutilgan.
63 ta jamiyatdagi davlat aksiyalari (ulushi) paketi ustuvor huquqlar qoʻllanmagan holda ommaviy savdolarga qoʻyiladi. Mazkur holatda ularning boshlangʻich bahosi quyidagilarga teng boʻladi:
- ushbu kompaniyalarning sof aktivlari ulushiga mutanosib ravishda;
- nominal qiymatga – sof aktivlar miqdori ularning ustav kapitali miqdoridan kam boʻlsa.
Past rentabelli va faoliyat yuritmayotgan 295 ta sub’yektga nisbatan tugatish yoki bankrotlik jarayonlari qoʻzgʻatiladi. Ular orasida 3,05%dan 100%gacha davlat ishtirokiga ega 51 ta mas’uliyati cheklangan jamiyat (tugatish yoki bankrotlik jarayonida aniqlashtiriladi, tahr.) va respublika boʻyicha turli idoraviy boʻysunuvdagi 244 ta davlat unitar korхonasi bor.
Tegishli roʻyхatlarni hujjatga ilovadan topish mumkin. 1 noyabrga qadar vazirlik, idoralar va hududlar hokimiyatlari ushbu roʻyхatlarda idoraviy boʻysunuvidagi davlat korхonalari bor-yoʻqligini tekshirish uchun qoʻshimcha inventarizatsiya oʻtkazadilar va roʻyхatlarga kiritilgan korхonalar tugatiladi.
Hujjat Qonun hujjatlari ma’lumotlari milliy bazasida e’lon qilingan va 24.09.2019 yildan kuchga kirdi.
Oleg Zamanov.
