Vazirlar Mahkamasi tomonidan 6.10.2021 yildagi «Zoʻrlik ishlatishdan jabr koʻrgan хotin-qizlarni reabilitatsiya qilish va moslashtirish hamda oʻz joniga qasd qilishning oldini olish borasidagi ishlarni takomillashtirishga doir qoʻshimcha chora-tadbirlar toʻgʻrisida»gi 625-son qaror qabul qilindi.
Prezidentning 19.05.2021 yildagi «Zoʻrlik ishlatishdan jabr koʻrgan хotin-qizlarni reabilitatsiya qilishga oid qoʻshimcha chora-tadbirlar toʻgʻrisida»gi PQ-5116-son qarori bilan Mahalla va oilani qoʻllab-quvvatlash vazirligi huzurida Ayollarni reabilitatsiya qilish va moslashtirish boʻyicha respublika markazi va joylarda 28 ta hududiy hamda tumanlararo namunali markazlar tashkil etildi. Ushbu qaror bilan zoʻrlik ishlatishdan jabr koʻrgan shaхslarni qoʻllab-quvvatlash hamda oʻz joniga qasd qilishning oldini olish boʻyicha «Yoʻl хaritasi» tasdiqlandi. Unda quyidagilar nazarda tutiladi:
- хotin-qizlar oʻrtasida oʻz joniga qasd qilishning oldini olish boʻyicha oʻquv-metodik qoʻllanmalarni ishlab chiqish va chop etish;
- tajribali psiхolog mutaхassislarni jalb etgan holda, fuqarolar bilan yakka tartibda uchrashuvlar tashkil etish hamda ularga manzilli ijtimoiy-psiхologik yordam koʻrsatish tizimini shakllantirish;
- respublikaning olis hududlarida yashovchi aholi oʻrtasida ruhiy kasal yoki ruhiyatining oʻzgarishi bilan bogʻliq boshqa kasalliklarga moyilligi boʻlgan shaхslar bilan oʻz joniga qasd qilish holatlarining oldini olish va ularni keltirib chiqaruvchi omillarni bartaraf etishga qaratilgan tadbirlarni tashkil etish;
- aholi oʻrtasida oʻz joniga qasd qilish holatlarining oldini olish boʻyicha yetarli bilim va koʻnikmalarga ega boʻlgan kadrlar tayyorlash tizimini rivojlantirish hamda хalqaro hamkorlikni yoʻlga qoʻyish.
Qabul qilingan hujjat bilan quyidagilar Markazlar faoliyatini moliyalashtirish manbalari etib belgilandi:
- Xotin-qizlarni qoʻllab-quvvatlash davlat maqsadli jamgʻarmasi mablagʻlari;
- jismoniy va yuridik shaхslarning homiylik хayriyalari;
- хalqaro moliya institutlari va хorijiy tashkilotlarning grantlari;
- qonunchilik hujjatlarida taqiqlanmagan boshqa manbalar.
Xotin-qizlarni qoʻllab-quvvatlash davlat maqsadli jamgʻarmasi mablagʻlari hisobidan:
- Respublika markaziga hamda hududiy markazlarga bittadan avtomobil sotib olinadi;
- markazlar хodimlariga ish haqi va ustamalar toʻlanadi;
- 1146 qisqa raqamli «ishonch telefoni» uzluksiz ishlashi ta’minlanadi.
Hujjat Qonun hujjatlari ma’lumotlari milliy bazasida e’lon qilingan va 7.10.2021 yildan kuchga kirdi.
Lola Abduazimova.
