Vazirlar Mahkamasining 25.02.2016 yildagi 52-son Qarori bilan umumiy foydalaniladigan avtomobil yoʻllarini va sun’iy inshootlarni qurish, rekonstruksiya qilish, ta’mirlash boʻyicha pudrat faoliyatini yuritish uchun MChJ shaklida pudrat qurilish tashkilotlari tashkil etish toʻgʻrisidagi qaror qabul qilindi.
Tashkil etilgan pudrat qurilish tashkilotlari oʻz faoliyatini umumiy foydalaniladigan avtomobil yoʻllarini rivojlantirishning tasdiqlangan dasturlari hisobga olingan holda tuziladigan shartnomalarga muvofiq amalga oshiradilar. «Transyoʻlqurilish kompaniyasi» davlat unitar korхonasi ularning muassisi hisoblanadi.
Qoraqalpogʻiston Vazirlar Kengashi, viloyatlar hokimliklari va «Oʻzavtoyoʻl» AKga Kompaniyaning murojaatiga binoan kompaniyaning yangidan tashkil etiladigan pudrat qurilish tashkilotlarining haq undirmasdan tegishli ishlab chiqarish bazalarida (zarur muhandislik kommunikatsiyalariga, shuningdek temir yoʻl tarmogʻiga ulagan holda) joylashtirilishini ta’minlash topshirildi.
«Transyoʻlqurilish kompaniyasi» DUK ijro etuvchi apparatining tuzilmasi va ustavi tasdiqlandi. Kompaniya direktoriga, zarurat boʻlganda, boshqaruv хodimlarining belgilangan cheklangan soni doirasida kompaniyaning ijro etuvchi apparati tuzilmasiga oʻzgartirishlar kiritish huquqi taqdim etildi.
Mazkur hujjatning matni bilan, u bilan bogʻlangan boshqa qonun hujjatlariga sharhlar va izohlar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
«Oʻzbekiston Respublikasi qonunchiligida yangi» sharhini
ekspert-yuristimiz
Yelena YeRMOXINA
tayyorladi.
