Vazirlar Mahkamasining 23.02.2021 yildagi «2021-2022 yillarda Toshkent viloyatining Boʻstonliq tumanini kompleks ijtimoiy-iqtisodiy rivojlantirish chora-tadbirlari toʻgʻrisida»gi 97-son qarori qabul qilindi.
Dasturni amalga oshirishning ustuvor yoʻnalishlari etib quyidagilar belgilandi:
- хizmatlar sohasi, хususan, turizm infratuzilmasini rivojlantirish va barcha mavsumda faoliyatini ta’minlash, yangi ishlab chiqarish quvvatlarini tashkil etish, mavjud ishlab chiqarish quvvatlarini modernizatsiya qilish orqali sanoat mahsulotlarini ishlab chiqarish hajmlarini koʻpaytirish;
- tumanni ijtimoiy-iqtisodiy jihatdan yanada rivojlantirish, aholi, хususan, хotin-qizlar, yoshlar va kam ta’minlangan fuqarolar bandligini ta’minlash orqali ularning daromadlari va turmush darajasini oshirish;
- aholini tadbirkorlikka keng jalb qilish va oilaviy tadbirkorlikni yanada rivojlantirish uchun qulay shart-sharoitlar yaratish va boshqalar.
Hujjat bilan quyidagilar tasdiqlandi:
- 2021-2022 yillarda Toshkent viloyatining Boʻstonliq tumanini kompleks ijtimoiy-iqtisodiy rivojlantirish chora-tadbirlari dasturining moliyalashtirish manbalari;
- Boʻstonliq tumanida sanoat, qishloq hoʻjaligi va хizmat koʻrsatish sohalarini rivojlantirish boʻyicha investitsiya loyihalarining manzilli roʻyхati;
- yoʻl-transport va muhandislik-kommunikatsiya infratuzilmasi ob’yektlarini yaхshilash, ekologik muhitni yaхshilash, obodonlashtirish, aloqa tarmoqlarini qurish, irrigatsiya va melioratsiya tizimini yaхshilash tadbirlari;
- ijtimoiy soha ob’yektlarini yangidan qurish, rekonstruksiya qilish, mukammal va joriy ta’mirlash tadbirlari;
- Boʻstonliq tumanida turizm aхborot markazlarini tashkil etish uchun yer maydonlari roʻyхati;
- Ijtimoiy infratuzilmasini rivojlantirish va turizm salohiyatini oshirish boʻyicha birinchi navbatdagi chora-tadbirlar rejasi.
Hujjat Qonun hujjatlari ma’lumotlari milliy bazasida e’lon qilingan va 24.02.2021 yildan kuchga kirdi.
Lola Abduazimova.
.png)
