Vazirlar Mahkamasining 12.06.2024 yildagi “Oʻzbekiston Respublikasi Hukumatining ayrim qarorlariga ijtimoiy va ishlab chiqarish infratuzilmasini rivojlantirish boʻyicha davlat dasturlarini shakllantirish va amalga oshirish jarayonlarini samarali tashkil etishga qaratilgan qoʻshimchalar kiritish toʻgʻrisida”gi qarori qabul qilindi.
2024 yil 1 oktyabrdan boshlab byudjet tizimi hisobidan bajarilgan qurilish-montaj ishlari topshirilganda quyidagi shaklda hisobvaraq-faktura taqdim etiladi.
Ijtimoiy va ishlab chiqarish infratuzilmasini rivojlantirish dasturini shakllantirish tartibi toʻgʻrisidagi nizomga kiritilayotgan qoʻshimchalarga koʻra, Iqtisodiyot va moliya vazirligi Vazirlar Mahkamasi Rayosati tomonidan tasdiqlangan loyihalarning dastlabki manzilli roʻyхati asosida kelgusi yil loyihalarining loyihaoldi va (yoki) loyiha hujjatlarini ishlab chiqish va ekspertizadan oʻtkazish uchun zarur mablagʻlarni joriy yilda ajratilishini ta’minlaydi.
Hujjat Qonun hujjatlari ma’lumotlari milliy bazasida e’lon qilingan va 15.06.2024 yildan kuchga kirdi.
Sobir Nurberdiyev