Davlat koʻchmas mulki ijarasining 2017 yil uchun eng kam stavkalari tasdiqlandi

Xususiylashtirish, monopoliyadan chiqarish va raqobatni rivojlantirish davlat qoʻmitasining 2016 yil 16 dekabrdagi 378/01-14-son хatida Toshkent shahri, shuningdek, respublika boʻyicha eng kam ijara stavkalari keltiriladi.

Ushbu stavkalar an’anaviy ravishda ijaraga olinayotgan mol-mulkdan foydalanish maqsadlariga bogʻliq holda belgilanadi.

Masalan, Toshkent shahri uchun eng past stavka bir kv.metr joy uchun 1 500 soʻmni (kitob doʻkonlari), eng yuqori stavka esa 231 100 soʻmni (bankomatlar) tashkil etadi.

Xatning toʻliq matni bilan bu yerda tanishish mumkin.

Ma’lumot uchun: Koʻrsatilgan sohadagi munosabatlar Davlat mulkini ijaraga berish tartibi toʻgʻrisidagi nizom  (Vazirlar Mahkamasining 2009 yil 8 apreldagi 102-son qarori bilan tasdiqlangan) bilan tartibga solinadi. Mazkur Nizomning 10-bandiga asosan eng kam stavkalar Oʻzbekiston Respublikasi Davlat raqobat qoʻmitasi taqdim etgan hamda Moliya vazirligi va Iqtisodiyot vazirligi bilan kelishilgan ijaraning eng kam stavkalari hisob-kitobi asosida Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan tasdiqlanadi.