Давлат кўчмас мулки ижарасининг 2017 йил учун энг кам ставкалари тасдиқланди

Хусусийлаштириш, монополиядан чиқариш ва рақобатни ривожлантириш давлат қўмитасининг 2016 йил 16 декабрдаги 378/01-14-сон хатида Тошкент шаҳри, шунингдек, республика бўйича энг кам ижара ставкалари келтирилади.

Ушбу ставкалар анъанавий равишда ижарага олинаётган мол-мулкдан фойдаланиш мақсадларига боғлиқ ҳолда белгиланади.

Масалан, Тошкент шаҳри учун энг паст ставка бир кв.метр жой учун 1 500 сўмни (китоб дўконлари), энг юқори ставка эса 231 100 сўмни (банкоматлар) ташкил этади.

Хатнинг тўлиқ матни билан бу ерда танишиш мумкин.

Маълумот учун: Кўрсатилган соҳадаги муносабатлар Давлат мулкини ижарага бериш тартиби тўғрисидаги низом  (Вазирлар Маҳкамасининг 2009 йил 8 апрелдаги 102-сон қарори билан тасдиқланган) билан тартибга солинади. Мазкур Низомнинг 10-бандига асосан энг кам ставкалар Ўзбекистон Республикаси Давлат рақобат қўмитаси тақдим этган ҳамда Молия вазирлиги ва Иқтисодиёт вазирлиги билан келишилган ижаранинг энг кам ставкалари ҳисоб-китоби асосида Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан тасдиқланади.