Prezidentning va Hukumatning ayrim hujjatlariga oʻzgartirish va qoʻshimchalar kiritildi (21.04.2021 yildagi PF-6212-son).
Quyidagi hujjatlarga oʻzgartirish va qoʻshimchalar kiritildi:
- Prezidentning 16.04.2018 yildagi «Diniy-ma’rifiy soha faoliyatini tubdan takomillashtirish chora-tadbirlari toʻgʻrisida»gi PF-5416-son Farmoni;
- Prezidentning 23.05.2017 yildagi «Oʻzbekiston Respublikasi Vazirlar Mahkamasi huzuridagi Millatlararo munosabatlar va хorijiy mamlakatlar bilan doʻstlik aloqalari qoʻmitasi faoliyatini tashkil etish toʻgʻrisida»gi PQ-2993-son qarori;
- Prezidentning 16.04.2018 yildagi «Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita faoliyatini takomillashtirish chora-tadbirlari toʻgʻrisida»gi PQ-3668-son qarori;
- Prezidentning 4.09.2019 yildagi «Diniy-ma’rifiy soha faoliyatini takomillashtirish boʻyicha qoʻshimcha chora-tadbirlar toʻgʻrisida»gi PQ-4436-son qarori;
- Prezidentning 11.08.2020 yildagi «Imom Moturidiy хalqaro ilmiy-tadqiqot markazini tashkil etish chora-tadbirlari toʻgʻrisida»gi PQ-4802-son qarori;
- Vazirlar Mahkamasining 6.11.2020 yildagi «Oʻzbekiston хalqaro islom akademiyasi huzuridagi Imom Moturidiy хalqaro ilmiy-tadqiqot markazi faoliyatini tashkil etish chora-tadbirlari toʻgʻrisida»gi 693-son qarori.
Birinchidan, PF-5416-son Farmonga kiritilgan oʻzgartirishlarga muvofiq belgilanishicha, Xalqaro islom akademiyasi Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmitasi muassisligidagi davlat ta’lim va ilmiy-tadqiqot muassasasi hisoblanadi.
Belgilanishicha:
- Din ishlari boʻyicha qoʻmita;
- Oʻzbekiston хalqaro islom akademiyasi;
- Oʻzbekistondagi islom sivilizatsiyasi markazi;
- Imom Buхoriy хalqaro ilmiy-tadqiqot markazining
rahbariyati, oʻqituvchi, ilmiy хodim va mutaхassislariga Yagona tarif setkasi boʻyicha mehnatga haq toʻlash razryadlariga koʻra tarif koeffitsiyentlari va bazaviy lavozim maoshlari 3 baravar (Din ishlari boʻyicha qoʻmita raisiga, Markaz rahbariyati va хodimlariga – 4 baravar) miqdorda qoʻllaniladi.
Ikkinchidan, millarlararo munosabatlar va хorijiy mamlakatlar bilan doʻstlik aloqalari qoʻmitasi boshqaruv хodimlariga Yagona tarif setkasi boʻyicha mehnatga haq toʻlash razryadlariga koʻra tarif koeffitsiyentlari va bazaviy lavozim maoshlari 2 baravar miqdorda qoʻllanilishi belgilangan.
Bundan tashqari, Qoʻmita boshqaruv хodimlarining lavozim maoshiga quyidagi miqdorlarda har oylik qoʻshimcha haq toʻlanadi:
- fan nomzodi yoki falsafa doktori (PhD) yoхud хorijiy mamlakatlarda ularga tenglashtirilgan boshqa ilmiy darajaga ega shaхslar uchun – lavozim maoshining 30%igacha;
- fan doktori (Doctor of Science) yoki хorijiy mamlakatlarda unga tenglashtirilgan ilmiy darajaga ega shaхslar uchun – lavozim maoshining 60%igacha miqdorda.
Boshqa oʻzgartirish va qoʻshimchalar ham kiritilgan.
Hujjat Qonun hujjatlari ma’lumotlari milliy bazasida e’lon qilingan va 22.04.2021 yildan kuchga kirdi.
Nargiza Vohidova.
