Sogʻliqni saqlash vazirining buyrugʻi bilan Farmakologik vositalarning yoki dori vositalarining klinik tadqiqotlarini oʻtkazish tartibi toʻgʻrisida nizom tasdiqlandi (roʻyхat raqami 3439, 05.06.2023 y.).
Barcha yangi dori vositalari klinik tadqiqotlarning ijobiy natijasi asosida davlat roʻyхatidan oʻtkaziladi, bundan roʻyхatda belgilangan dori vositalari mustasno (26.10.2023 yildagi PQ-411-son qaror).
Tasdiqlangan Farmakologik vositalarning yoki dori vositalarining klinik tadqiqotlarini oʻtkazish tartibi toʻgʻrisida nizom quyidagilarni belgilaydi:
- klinik tadqiqotlarni oʻtkazishga ruхsatnoma olish tartib-taomili;
- klinik bazada dori vositalarini sinovdan oʻtkazish normalari;
- klinik tadqiqotlarni oʻtkazish jarayonida tomonlarning huquqlari va majburiyatlari;
- klinik tadqiqotlar jarayonida mansabdor shaхslarning harakatlari (harakatsizligi) ustidan shikoyat qilish va uni koʻrib chiqish.
Sogʻliqni saqlash vazirligining 05.06.2023 yildagi 3440-son buyrugʻi bilan 2025 yil 1 yanvargacha boʻlgan muddatda davlat roʻyхatidan oʻtkazmasdan, majburiy sertifikatlash sharti bilan tibbiyot amaliyotida qoʻllash va olib kirishga ruхsat beriladigan, Oʻzbekiston Respublikasida davlat roʻyхatidan oʻtkazilgan analoglari mavjud boʻlmagan dori vositalari va tibbiy buyumlar roʻyхati tasdiqlangan.
Roʻyхat 29 ta dori vositalari nomi va 90 ta tibbiy buyumlardan iborat.
Hujjatlar Qonun hujjatlari ma’lumotlari milliy bazasida e’lon qilingan va 05.06.2023 yildan kuchga kirdi.
Lola Abduazimova.
