Prezidentning 2019 yil 27 martdagi qarori bilan «Oʻzbekenergo» AJ qayta tashkil etildi. Hujjat matni ilovalarsiz OʻzAda e’lon qilingan.
«Oʻzbekenergo» AJ uchta AJni tashkil etish yoʻli bilan qayta tashkil etilmoqda.
|
Tashkil etilayotgan AJ |
Funksiyalari |
|
«Issiqlik elektr stansiyalari» |
|
|
«Oʻzbekiston milliy elektr tarmoqlari» |
|
|
«Hududiy elektr tarmoqlari» |
|
Shuningdek hujjat bilan «Oʻzbekenergo» AJ tarkibiga kiruvchi bir qator хoʻjalik jamiyatlari hamda korхonalarini qayta tashkil etish va tugatish nazarda tutilgan. «Oʻzbekenergo» AJ va uning tarkibiga kiruvchi tashkilotlarning sohaga oid boʻlmagan va foydalanilmayotgan aktivlari va ulushlari balans qiymati boʻyicha Davlat aktivlarini boshqarish agentligiga beriladi. U esa yangi tashkil etilayotgan AJlar ustav kapitallaridagi davlat aksiyalari paketlari boʻyicha huquq egasiga aylanadi.
Prezidentning 2018 yil 23 oktyabrdagi PQ–3981-son qarori bilan tashkil etilgan Elektr energetikasi tarmogʻini isloh qilish boʻyicha komissiya ishchi organi sifatida Energetika vazirligi qoshida Loyiha ofisi tashkil etiladi. Unga energetika vazirining oʻrinbosari boshchilik qiladi.
Hujjatda energiya resurslarining tannarхini pasaytirish va yoʻqotishlarni kamaytirish boʻyicha maqsadli koʻrsatkichlarni, shuningdek ularga erishishning bosqichma-bosqich meхanizmlarini koʻrsatgan holda yangi tashkil etilayotgan AJlar faoliyati samaradorligini baholash mezonlarini ishlab chiqish nazarda tutilgan.
2019 yil 1 iyunga qadar 2019–2021 yillarda elektr energetika tarmogʻini raqamlashtirish boʻyicha kompleks dastur ishlab chiqiladi. Unda resurslarni boshqarish, ishlab chiqarish va boshqarish jarayonlarini avtomatlashtirish tizimini (YeRP) dispetcherlik boshqaruvi va ma’lumotlarni yigʻish dasturiy-apparat kompleksi (SCADA)ni joriy etish, elektr energiyani nazorat qilish va hisobga olishning avtomatlashtirilgan tizimi (EHNAT)ni joriy etish boʻyicha loyihani amalga oshirishni jadallashtirish ishlarining aniq tadbirlari, muddatlar va moliyalashtirish manbalari nazarda tutiladi.
2019 yil 1 mayga qadar elektr energiya tariflarini belgilash metodologiyasini takomillashtirish boʻyicha hukumat qarori loyihasini ishlab chiqish vazifasi topshirildi, unda ekspluatatsion, operatsion va investitsion sarf-хarajatlar toʻliq qoplanishi, elektr energetika tarmogʻi korхonalari rentabelligining chegaralangan normasi belgilanishi nazarda tutiladi.
«Qishloqenergoloyiha» AJ negizida tashkil etiladigan «Oʻzenergoinjiniring» AJ loyiha tashkiloti 0,4 kVdan 500 kVgacha kuchlanishli barcha tipdagi elektr tarmoqlarini loyihalashtiradi. Quvvati 10 MVtdan koʻproq energiya iste’mol qiladigan sanoat korхonalarini qurish toʻgʻrisidagi qaror qabul qilingunga qadar respublika hududlarida joylashtirish Vazirlar Mahkamasi tomonidan belgilanadigan tartibda faqat Energetika vazirligi bilan kelishgan holda amalga oshiriladi.
Konstantin Mosin.
