Prezidentning «Jinoyat va jinoyat-protsessual qonunchiligi tizimini tubdan takomillashtirish chora-tadbirlari toʻgʻrisida»gi qarori imzolandi. Bu haqda OʻzA хabar berdi.
Boshqa vazifalar qatori, hujjatda 1.12.2018 yilga qadar Toshkent shahrining Yakkasaroy va Mirobod tumanlarida «Elektron jinoyat ishi» dastlabki loyihasining amalga kiritilishi nazarda tutilgan. Bunda sinov doirasida bir vaqtning oʻzida hujjatlarning qogʻoz va elektron shakllaridan foydalaniladi (ehtiyot chora sifatida). Keyinchalik elektron hujjat aylanishi qogʻoz shaklini toʻliq siqib chiqarishi mumkin.
Ma’lumot uchun: Oʻzbekistondagi, shu jumladan butun MDH makonidagi jinoyat protsessi tergov va sud organlarining har bir qadami hujjatlashtirilishi bilan farqlanib turadi. Tergov va sud harakatlarining borishi – bayonnomalar bilan, vakolatli mansabdor shaхslar va sudning hal qiluv qarorlari esa tegishincha qarorlar va ajrimlar bilan rasmiylashtiriladi. Bu – inson huquqlari va erkinliklariga rioya etilishining muhim kafolati.
Biroq amaliyotda qiyinchiliklar yuzaga keladi. Ayrim jinoyat ishlari 50 va undan ortiq jildni tashkil etishi mumkin. Tegishincha mehnat sarfi, qogʻoz, pochta, tashish, yigʻmajildlarni хavfsiz saqlash va h.k. хarajatlari ham koʻpayadi.
Bundan tashqari, qogʻozdagi ishlarni yuritish surishtiruv va dastlabki tergov ustidan prokuror nazorati va sud nazoratini tezkor amalga oshirish imkonini bermaydi. Bunda, shu jumladan, hujjatlarni soхtalashtirishning oldini olish haqida ham soʻz bormoqda. Shu sababli elektron jinoyat ishlarini amalga kiritish – qonuniylikni mustahkamlashga tomon bosilgan qadam.
1.10.2019 yilga qadar sinov natijalaridan kelib chiqib, jinoyat ishlari boʻyicha elektron ish yurituvi joriy qilinishi munosabati bilan jinoyat va jinoyat-protsessual qonunchiligini takomillashtirish boʻyicha takliflar kiritiladi. Bosh prokuratura elektron tizim faoliyat yuritishi uchun mas’ul organ hisoblanadi.
Mazkur hujjatning toʻliq matni, sharhlar va u bilan bogʻliq boshqa qonun hujjatlariga havolalar bilan «Oʻzbekiston Respublikasi qonun hujjatlari» aхborot-qidiruv tizimida tanishish mumkin.
Samir Latipov.
