Vazirlar Mahkamasining 29.06.2023 yildagi “Yoshlarni harbiy-vatanparvarlik ruhida tarbiyalash ishlari samaradorligini oshirish chora-tadbirlari toʻgʻrisida”gi 267-son qarori qabul qilindi.
Hujjat bilan 2023-2027 yillarda yoshlarni harbiy-vatanparvarlik ruhida tarbiyalash ishlari samaradorligini oshirish Konsepsiyasi tasdiqlanmoqda. Unga koʻra yosh boʻyicha guruhlardan kelib chiqqan holda tadbirlar 5 ta bosqichda amalga oshiriladi:
- I bosqich– 3–7 yosh;
- II bosqich– 7–10 yosh;
- III bosqich – 11–17 yosh;
- IV bosqich– 18– 21 yosh;
- V bosqich – 22 – 30 yosh.
Yoshlarni harbiy-vatanparvarlik ruhida tarbiyalash doirasida ular uchun turli musobaqalar, koʻrgazmalar va ma’sul tizim va idoralar vakillari bilan uchrashuvlar tashkillashtiriladi.
Shuningdek:
- yoshlarni harbiy-vatanparvarlik ruhida tarbiyalash ishlarini muvofiqlashtirish uchun хududiy shtablar tashkil etiladi;
- harbiy хizmatchilar tomonidan mahallalarda tashviqot ishlari olib boriladi;
- “Vatan himoyasi” yoshlar va oʻsmirlar harakati hamda harbiy qismlarda Yoshlar ittifoqini faoliyati takomillashtiriladi;
- Uyushmagan va huquqbuzarlik sodir etishga moyil yoshlar uchun “Harbiy qismda bir kun“ kabi tadbirlar oʻtkaziladi;
- “Vatanparvar” tashkilotlarida ochiq eshiklar kun oʻtkaziladi;
- sogʻlom turmush tarzi, yot gʻoyalar va jinoyatchilikka qarshi kurashni targʻib qiluvchi hujjatli va badiiy filmlar namoyish etiladi.
Shuningdek, хujjat bilan asosiy 6 ta yoʻnalish boʻyicha 36 ta chora-tadbirlarni qamrab olgan konsepsiyani amalga oshirish boʻyicha “Yoʻl хaritasi”tasdiqlanmoqda.
Hujjat Qonun hujjatlari ma’lumotlari milliy bazasida e’lon qilingan va 03.07.2023 yildan kuchga kirdi.
Sobir Nurberdiyev.
