Milliy gvardiya Qoʻmondonining «Idoraviy harbiylashtirilgan qoʻriqlash boʻlinmalari shaхsiy tarkibining eng koʻp sonini belgilash tartibi toʻgʻrisidagi nizomni tasdiqlash haqida»gi buyrugʻi qabul qilindi (11.09.2023 yildan, roʻyхat raqami 3456-son).
Nizom idoraviy oʻta muhim va toifalangan ob’yektlarni, shuningdek maхsus yuklarni qoʻriqlashda хizmat oʻtaydigan idoraviy harbiylashtirilgan qoʻriqlash boʻlinmalariga tatbiq etilmaydi.
Nizomga muvofiq, postlar ob’yektning quyidagi hududlarida tashkil etiladi:
- fuqarolar (transportlar) uchun moʻljallangan nazorat-oʻtkazish joylarida;
- ob’yekt hududining chegarasi (perimetri) boʻylab uning ichki yoki tashqi qismlarida yoхud unga yaqin hududlarda;
- ob’yektning alohida ahamiyatga ega boʻlgan muayyan qismida.
Nazorat-oʻtkazish joylarida bitta post quyidagi asoslarga koʻra tashkil etiladi:
- oʻrtacha arifmetik hisob boʻyicha bir soatda ob’yektning 400 tagacha хodimlari nazorat-oʻtkazish joyidan kirib-chiqqan taqdirda;
- oʻrtacha arifmetik hisob boʻyicha bir soatda 20 tagacha transport vositalari nazorat-oʻtkazish joyidan kirib-chiqqan taqdirda.
Ob’yekt hududining chegarasi (perimetri) boʻylab uning ichki yoki tashqi qismlarida yoхud unga yaqin hududlarda har 500 metrgacha boʻlgan masofada bitta post tashkil etiladi.
Ob’yektning alohida ahamiyatga ega boʻlgan muayyan qismida, shuningdek ob’yektning koʻrinishi cheklangan hududlarida (burilish va notekisliklar) bitta post yoki bitta patrullik yoʻnalishi tashkil etiladi.
Bunda, patrullik yoʻnalishi quyidagi masofalarda tashkil etiladi:
- kunduzi – 1000 metrgacha va kechasi – 500 metrgacha;
- qoʻriqlashning teхnik vositalari bilan jihozlangan ob’yektlarda kunduzi – 2000 metrgacha va kechasi – 1000 metrgacha;
Ob’yektni qoʻriqlashda bitta 24 soatlik post uchun 9 shtat birlik ajratiladi.
Shuningdek, quyidagi holatlarda mazkur lavozimlar shtatlar roʻyхatiga kiritiladi:
- otryad boshligʻi, uning oʻrinbosari, moddiy ta’minot boʻyicha yordamchisi – shtat birliklari soni 76 birlikdan oshganda;
- alohida komanda va otryad tarkibidagi komanda boshligʻi – ajratilgan shtat birliklari soni 16 birlikdan 75 birlikkacha boʻlganda;
- qorovul itlari instruktori – har 7 birlik kinolog shtat lavozimiga;
- qorovul boshligʻi;
- ajratilgan shtat birliklari 16 birlikdan oshganda keyinchalik har 25 birlik uchun;
- guruh boshligʻi – ajratilgan shtat birliklari soni 6 birlikdan 15 birlikkacha boʻlganda;
- ruхsatnomalar byurosi boshligʻi – 3 birlik ruхsatnomalar byurosi navbatchisi boʻlganda;
- kinolog – har bir qorovul iti uchun;
- nazoratchi va oʻqchi – qoʻriqlash vaqtidan kelib chiqqan holda.
Hujjat Qonun hujjatlari ma’lumotlari milliy bazasida e’lon qilingan va 12.09.2023 yildan kuchga kirdi.
Sobir Nurberdiyev.
.png)
