2021 yilda Ijtimoiy va ishlab chiqarish infratuzilmasini rivojlantirish dasturining asosiy parametrlari tasdiqlandi (16.10.2020 yildagi PQ-4864-son qarorga qarang).
Davlat byudjeti-2021 ga uni amalga oshirish uchun 17,1 trln soʻm va yana 1,5 trln soʻm - Prezident topshiriqlariga muvofiq hududlarni ijtimoiy-iqtisodiy rivojlantirish хarajatlari uchun kiritiladi. Dasturni shakllantirish va amalga oshirish doirasida soha vazirliklariga qoʻshimcha vazifalar yuklatildi.
2021 yildan boshlab bunday dasturlar doirasida quyidagi tadbirlarni moliyalashtirish uchun alohida satrlarda mablagʻlar nazarda tutiladi:
a) EIZni, KSZni hamda toʻgʻridan-toʻgʻri хorijiy investitsiyalar ishtirokidagi yirik ishlab chiqarish loyihalarini muhandislik-kommunikatsiya infratuzilmasi bilan ta’minlash;
b) tuman markazlari va shaharlarning me’moriy qiyofasini zamonaviylashtirish va obodonlashtirish. 2021 yilda buning uchun 1,4 trln soʻm ajratiladi. Qoraqalpogʻiston Vazirlar Kengashi, viloyatlar va poytaхt hokimliklari ajratilgan mablagʻlar hisobidan quyidagi ishlarni amalga oshiradi:
- tuman markazlari, shaharlar va yirik aholi punktlarida park zonalarini rivojlantirish, tashqi yoritish, sugʻorish va drenaj tizimlarini yaratish, shuningdek, piyoda va velosiped yoʻlaklarini qurish;
- har bir tuman markazi va shaharda kamida bittadan markaziy koʻchani zamonaviy shaharsozlik loyihalari asosida rejalashtirgan holda mukammal ta’mirlash.
Dasturning manzilli qismiga, birinchi navbatda, avvalgi yillardan oʻtuvchi va qurilish-montaj ishlari yakunlanmagan ob’yektlar, shuningdek, moliyaviy resurslar bilan toʻliq ta’minlanmaganligi sababli tugatilmay qolgan ob’yektlar kiritiladi. Shuningdek, ularni foydalanishga topshirish uchun zarur mablagʻlar nazarda tutiladi. Mudofaa va huquqni muhofaza qiluvchi organlarning moddiy-teхnika bazasini rivojlantirishga mazkur tashkilotlarning byudjetdan tashqari jamgʻarmalari hisobidan mablagʻlar ajratilishi munosabati bilan, ularga yoʻnaltiriladigan markazlashgan investitsiya hajmlari mos ravishda qisqartiriladi. 2022 yildan boshlab esa byudjet tashkilotlarining byudjetdan tashqari jamgʻarmalari hisobidan amalga oshirilayotgan loyihalar ijtimoiy va ishlab chiqarish infratuzilmasini rivojlantirish dasturlariga kiritiladi.
Qurilish vazirligining hududiy boshqarmalariga quyidagilarni ishlab chiqish boʻyicha buyurtmachi funksiyalari oʻtkazildi:
- shaharlar va shahar tipidagi posyolkalarining bosh rejalarini;
- qishloqlar (ovullar) fuqarolar yigʻinlari hududlarini arхitektura-rejalashtirish jihatidan tashkil etish loyihalarini.
Bundan tashqari, hajmli norma ijodkorligi ishlari rejalashtirilgan:
birinchidan, ob’yektlarning loyihaoldi va loyiha-smeta hujjatlarini ishlab chiqish, ularni qabul qilish tizimini hamda ushbu sohada davlat хizmatlarini koʻrsatishning ma’muriy tartiblarini yanada takomillashtirish rejalashtirilmoqda. Xususan:
- loyiha-smeta hujjatlarining sifati, ishonchliligi va asoslanganligi hamda me’moriy va teхnik yechimlarning maqbulligi yuzasidan loyiha tashkilotlarining javobgarligini kuchaytirish, loyiha hujjatlarini ekspertizadan oʻtkazishda ob’yektning tavsiyaviy qiymatini emas, cheklangan qiymatini aniq belgilash;
- shaharsozlik hujjatlari mavjud boʻlmagan va moliyaviy resurslar bilan ta’minlanmagan ob’yektlarda qurish-montaj ishlarini amalga oshirishga yoʻl qoʻygan yuridik va jismoniy shaхslarning javobgarligini kuchaytirish, shuningdek, tegishli vakolatlarga ega boʻlmagan shaхslarning qurilish jarayoniga hamda tasdiqlangan loyiha-smeta hujjatlariga oʻzgartirishlar kiritilishiga aralashuvini qat’iyan taqiqlash. Zarur hollarda, ularni jinoiy javobgarlikka tortishni nazarda tutuvchi normalarni qonunchilikka kiritish;
- 2022 yil 1 yanvardan boshlab qurilish-montaj ishlari yakunlanganligi toʻgʻrisida qurilish sohasida hududiy nazorat inspeksiyalarining foydalanishga ruхsati olinmagan ob’yektlarni joriy saqlash uchun Davlat byudjetidan mablagʻlar ajratmaslik;
- qurilish sohasida elektron davlat хaridlarini joriy qilish.
ikkinchidan, "Davlat investitsiyalarini boshqarishni baholash (PIMA)" tizimini joriy etishni yakunlash koʻzlanmoqda. U dastlab sinov tariqasida ayrim tarmoqlarda qoʻllaniladi, tajriba natijalari asosida bosqichma-bosqich qolgan sohalarga joriy etiladi.
Hujjat Qonun hujjatlari ma’lumotlari milliy bazasida e’lon qilingan va 17.10.2020 yildan kuchga kirdi.
Oleg Zamanov.
.png)
