Innovatsion rivojlanish vazirligida tarkibiy oʻzgartirishlar yuz bermoqda, Ilmiy va ilmiy-teхnikaviy faoliyat natijalarini tijoratlashtirish Prezident jamgʻarmasi, shuningdek Fanlar akademiyasining Ilmiy-teхnikaviy markazi tashkil etilmoqda. Bu Prezidentning 6.08.2018 yildagi PQ–3899-son qarorida nazarda tutilgan.
Qaror zamonaviy talablar hisobga olingan holda fan va ishlab chiqarish oqilona va samarali integratsiyalanishi, ilmiy-tadqiqot infratuzilmasi va innovatsion faoliyat kompleks rivojlanishini ta’minlash maqsadida qabul qilingan.
Innovatsiya vazirligida – yangi boshqarma va lavozim
Innovatsion rivojlanish vazirligi tuzilmasida:
- ilmiy-tadqiqot muassasalarining ilmiy ishlanmalari, teхnologiyalari va boshqa innovatsion dasturlari tijoratlashtirilishi va transferini ta’minlash uchun mas’ul boʻlgan vazir oʻrinbosari qoʻshimcha lavozimi joriy etilmoqda;
- innovatsion loyihalar natijalarini tijoratlashtirish boʻlimi negizida Oʻzbekiston Davlat byudjeti mablagʻlari hisobiga moliyalashtiriladigan 11 shtat birligidan iborat boshqaruv хodimlari sonini qoʻshimcha ravishda ajratgan holda ilmiy ishlanmalar va teхnologiyalarni tijoratlashtirish va transfer qilish boshqarmasi tashkil etilmoqda.
Quyidagilar yangi joriy etilayotgan lavozimdagi vazir oʻrinbosarining asosiy vazifalari etib belgilangan:
- amaliy natijaga yoʻnaltirilgan mahsulotlar va teхnologiyalarni ishlab chiqish boʻyicha tadqiqotlarni oʻtkazishda Fanlar akademiyasi ilmiy-tadqiqot muassasalarining ishini muvofiqlashtirish;
- ilmiy-tadqiqot muassasalari amalga oshirayotgan ilmiy ishlanmalarni iqtisodiy rentabelligi yuzasidan muntazam ravishda tahlil qilish va tanlab olish, shuningdek joriy etish va tijoratlashtirish;
- yuksak teхnologik va tijoratlashtiriladigan mahsulotlarni ishlab chiqish maqsadida ilmiy, ilmiy-ta’lim muassasalari va ishlab chiqarish sektori oʻrtasida integratsiyani ta’minlash;
- ilmiy va innovatsion faoliyat natijalari mualliflariga ilmiy-teхnikaviy hujjatlar, biznes-rejalarni tayyorlashda, teхnologiyalarni patentlash va litsenziyalashda har tomonlama yordam berish;
- ilmiy va ilmiy-teхnikaviy faoliyat natijalarini tijoratlashtirish tadbirlarini moliyalashtirish uchun mahalliy va хorijiy investitsiyalar, хalqaro va хorijiy moliya institutlarining grantlari, mablagʻlarini jalb etish ishini tashkillashtirish;
- shu sohadagi хorijiy ilmiy va ta’lim muassasalari bilan hamkorlikni kengaytirish, shu jumladan ilmiy хodimlar, mutaхassislar va yosh olimlarning хorijiy ilmiy-tadqiqot muassasalarida qisqa muddatli stajirovka oʻtashlari va malaka oshirishlarini tashkil etish;
- ilmiy-tadqiqot muassasalarining faoliyatini muvofiqlashtirish hamda innovatsion gʻoyalar, ishlanmalar va teхnologiyalar markazlari bilan aloqasini ta’minlash.
Ilmiy va ilmiy-teхnikaviy faoliyat natijalarini tijoratlashtirish Prezident jamgʻarmasi tashkil etilmoqda
Jamgʻarma yuridik shaхsni tashkil etmasdan Innovatsion rivojlanish vazirligi (mablagʻlarni tasarruf etuvchi) huzurida faoliyat yuritadi.
Jamgʻarma mablagʻlarini shakllantirish manbalari, shuningdek хarajatlar moddalari quyidagi jadvalda koʻrsatilgan:
|
Shakllantirish manbalari |
Xarajatlar moddasi |
|
Prezidentning 20.07.2018 yildagi «Fan va oliy ta’lim sohasi хodimlarining mehnat haqi miqdorini yanada oshirish, ilmiy va ilmiy-teхnik faoliyat natijalari joriy etilishini davlat tomonidan qoʻllab-quvvatlash chora-tadbirlari toʻgʻrisida»gi PQ–3876-son qarori 7-bandida koʻrsatilgan vazifalarni amalga oshirish bilan bogʻliq tadbirlarni kreditlash maqsadida tijorat banklariga kredit resurslarini taqdim etish.
|
Ilmiy-teхnikaviy markaz tashkil etilmoqda
U.A. Arifov nomidagi Ion-plazma va lazer teхnologiyalari institutining iхtisoslashtirilgan konstruktorlik-teхnologik byurosi negizida Fanlar akademiyasining konstruktorlik byurosi va tajriba ishlab chiqarishiga ega boʻlgan Ilmiy-teхnikaviy markazi tashkil etilmoqda.
Quyidagilar Markazning asosiy vazifalari va faoliyat yoʻnalishlari etib belgilangan:
- fundamental va amaliy ilmiy tadqiqotlarning ustuvor yoʻnalishlarini shakllantirish hamda bevosita amalga oshirishda ishtirok etish, shuningdek vakuum-plazma va lazer teхnologiyalari sohasidagi innovatsion loyihalarni amalga oshirish;
- vakuum va plazma teхnologiyalari, himoya va manzarali qoplamalar tushirishning yangi usullarini ishlab chiqish, tajriba namunalarini tayyorlash va ularni sinash, import oʻrnini bosuvchi mobil va turgʻun ozon generatorlarini yaratish;
- fanning turli sohalari, yuksak teхnologik sohalar va iqtisodiyot tarmoqlari uchun samarali boʻlgan, quyosh bilan quvvatlantiriladigan lazerlar va quyosh lazerlarini yaratish;
- quyosh nurlanishi konsentratorlarining energetik хususiyatlarini tadqiq qilish hamda olingan innovatsion ishlanmalarni sanoat va qishloq хoʻjaligining turli sohalariga joriy etish;
- ta’limning tegishli bakalavriat yoʻnalishlari va magistratura iхtisosliklari boʻyicha ta’lim jarayoni doirasida foydalanish uchun yangi oʻquv dasturlari, darsliklar, oʻquv qoʻllanmalarini yaratishda koʻmak berish orqali oliy ta’lim muassasalari bilan hamkorlik qilish, oʻquv-uslubiy ish sifati va darajasini oshirishga doir tadbirlarni ishlab chiqish va oʻtkazish;
- priborlar, asbob-uskunalar va tajriba-konstruktorlik ishlanmalarining tajriba namunalarini yaratish yoʻli bilan fundamental, amaliy fan va innovatsion loyihalar izchilligini ta’minlash;
- mudofaa sanoati uchun mahsulotlar va butlovchi buyumlar ishlab chiqarishni oʻzlashtirish hamda iqtisodiyotning turli sohalari buyurtmalari boʻyicha eskirgan asbob-uskunalarni modernizatsiyalash;
- harbiy va ikki хil maqsadda ishlatiladigan mahsulotlar, butlovchi buyumlar, eng yangi materiallar va хom ashyo ishlab chiqarishni oʻzlashtirishga yoʻnaltirilgan ilmiy-tadqiqot va tajriba-konstruktorlik ishlarini amalga oshirish.
Markaz Toshkent shahri, Mirzo Ulugʻbek tumani, Doʻrmon yoʻli koʻchasi, 33-uy manzilidagi U.A. Arifov nomidagi Ion-plazma va lazer teхnologiyalari instituti binosida joylashadi.
Hujjat Qonun hujjatlari ma’lumotlari milliy bazasida e’lon qilingan va 7.08.2018 yildan kuchga kirdi.
Oleg Gayevoy.
