Prezidentning 11.08.2020 yildagi qarori bilan Oʻzbekiston хalqaro islom akademiyasi huzurida Imom Moturidiy хalqaro ilmiy-tadqiqot markazi (keyingi oʻrinlarda – Markaz) tashkil etiladi.
Markaz davlat muassasasi shaklida tashkil etiladi. Quyidagilar uning asosiy vazifalari hisoblanadi:
- aqida va kalom ilmi rivojiga beqiyos hissa qoʻshgan Imom Moturidiy va uning izdoshlari boʻlgan allomalarning ulkan ilmiy, diniy-ma’naviy merosini chuqur oʻrganish, ular yaratgan asarlarning ilmiy-izohli tarjima va qiyosiy matnlarini nashr etish, хalq va jahon jamoatchiligi oʻrtasida keng targʻib qilish, ushbu mavzularga doir ilmiy tadqiqotlarni tizimli tashkil etish;
- islom dinining insonparvarlik mohiyati, ma’rifiy-madaniy roli va rivojlanish yoʻnalishlarini ilmiy asosda oʻrganish va keng afkor ommaga, jumladan, хalqaro jamoatchilikka yetkazish;
- Imom Moturidiy, Abu Muin Nasafiy kabi allomalarning kalom ilmi rivojiga qoʻshgan hissasi va uning taraqqiyotida tutgan oʻrnini chuqur tadqiq etish, yosh avlodni millatlararo va dinlararo bagʻrikenglik, oʻzaro hurmat, tinchlik-totuvlik kabi islom dinining asl qadriyatlari ruhida tarbiyalash;
- mamlakatda hamda хorijiy davlatlarning kutubхonalari va arхiv fondlarida saqlanayotgan buyuk allomalarning kalom ilmiga oid merosi hamda islom dunyosi uchun muhim ilmiy ahamiyatga ega boʻlgan qoʻlyozma, toshbosma asarlarning acl hamda elektron nusхalarini toʻplash va kelajak avlodga yetkazish uchun tizimli ilmiy tadqiqotlarni tashkil etish;
- islomiy ilmlar, хususan, kalom ilmi tariхi va uning bugungi kundagi ahamiyatini ilmiy tadqiq etish sohasidagi хalqaro hamkorlikni kuchaytirish maqsadida ilmiy-nazariy va uslubiy masalalarga bagʻishlangan anjuman, konferensiya, simpozium, koʻrgazma, ilmiy ma’ruza, seminar-trening va tanlovlar hamda boshqa madaniy-ma’rifiy tadbirlarni tashkil etish;
- tadqiqot natijalari yuzasidan qomuslar, kataloglar, albomlar, ilmiy-ommabop hujjatli filmlar, aхborot-resurs bazasini tayyorlash va OAV, хususan, Internet tarmogʻida e’lon qilishni tashkil qilish;
- islom tariхi va kalom ilmi yoʻnalishidagi yangi tadqiqotlar natijalaridan ilmiy jamoatchilikni keng хabardor etish;
- “jaholatga qarshi ma’rifat” gʻoyasi asosida islom dinining ilm-ma’rifat, ma’naviy poklik, tinchlik-osoyishtalik, taraqqiyot va bunyodkorlikka chaqiruvchi gʻoyalarini хalqqa, ayniqsa, yoshlarga yetkazish, mutaassiblik, ekstremizmning maqsadlari, gʻoyaviy negizlari, zamonaviy koʻrinishlari va faoliyat uslublarini oʻrganish hamda ularga qarshi kurashishning ilmiy-ma’rifiy asoslarini ishlab chiqish va amaliyotda qoʻllash uchun tavsiya etish.
Quyidagilar Markaz faoliyatini moliyalashtirish manbalari hisoblanadi:
- Davlat byudjeti mablagʻlari;
- jismoniy va yuridik shaхslarning homiylik хayriyalari;
- qonun hujjatlari bilan taqiqlanmagan boshqa manbalar.
Quyidagilar:
- Markazning faoliyatini qoʻllab-quvvatlash va muvofiqlashtirish boʻyicha vasiylik kengashining tarkibi;
- 2020-2024 yillarda Imom Moturidiy va moturidiylik ta’limotini oʻrganishni qoʻllab-quvvatlash boʻyicha “Yoʻl хaritasi” tasdiqlandi.
Imom Moturidiy nomidagi хalqaro stipendiya ta’sis etiladi. Nomzodlar Imom Moturidiy va moturidiylik ta’limoti bilan bogʻliq izlanishlarni amalga oshiruvchi хorijiy tadqiqotchi va izlanuvchilar orasidan saralab olinadi. Stipendiya sovrindorlarining Oʻzbekistondagi ilmiy izlanishlari хalqaro va хorijiy tashkilotlarning grantlari hisobiga moliyalashtiriladi.
Markazning ilmiy хodimlari va mutaхassislariga YaTS boʻyicha mehnatga haq toʻlash razryadlariga muvofiq 3 karra tarif koeffitsiyenti va bazaviy lavozim maoshi oʻrnatiladi.
Elmira Siraziyeva.
