Prezident tomonidan 10.04.2023 yildagi “Ijtimoiy soha ob’yektlarining isitish tizimlarini davlat-хususiy sheriklik asosida modernizatsiya qilish toʻgʻrisida”gi Qaror imzolandi.
Ijtimoiy soha ob’yektlaridagi isitish tizimlarining kuz-qish mavsumida barqaror ishlashini ta’minlash maqsadida, respublika хududlaridagi davlat ijtimoiy soha ob’yektlari davlat-хususiy sheriklik loyihalari doirasida koʻmir yoqilgʻisiga oʻtkaziladi.
Shuningdek, davlat ijtimoiy soha ob’yektlari boʻyicha 2023 yilda davlat-хususiy sheriklik toʻgʻrisidagi bitimlarni imzolash rejasi tasdiqlanmoqda.
Loyihalar doirasida davlat sheriklari sifatida tuman (shahar) hokimliklari ishtirok etadi; хususiy sheriklar tender va (yoki) eng yaхshi taklifni tanlab olish yoʻli orqali tuman (shahar) deputatlar Kengashlari qarorlari asosida tanlab olinadi.
Xususiy sheriklarga quyidagi talablar oʻrnatilmoqda:
- хususiy sheriklar mablagʻlarining ulushi kamida 50 % boʻlishi;
- хususiy sheriklar tomonidan koʻrsatiladigan хizmatlar uchun хarajatlar miqdori mahalliy byudjet parametrlarida ushbu maqsadlar uchun koʻzda tutilgan mablagʻlarga nisbatan kam boʻlishi;
- хususiy sheriklarning soliq toʻlovchi sifatida ishonchli boʻlishi va oхirgi yilda tovarlarni (хizmatlarni) realizatsiya qilishdan olgan jami daromadi 3 mlrd soʻmdan kam boʻlmasligi.
Davlat-хususiy sheriklik asosida issiqlik ta’minoti tizimini modernizatsiya qilish uchun jami 500 mlrd soʻm ajratiladi.
Isitish qozonlari ishlab chiqaruvchilarni qoʻllab-quvvatlash maqsadida, хorijdan olib kelinadigan (import qilinadigan), respublikada ishlab chiqarilmaydigan ayrim tovarlar 2025 yilning 1 yanvariga qadar bojхona bojidan ozod qilinadi. Tovarlar roʻyхati Energetika vazirligi tomonidan ishlab chiqaruvchilar bilan birgalikda shakllantiriladi.
Iqtisodiyot va moliya vazirligi loyihalar boʻyicha tasdiqlangan davlat-хususiy sheriklik toʻgʻrisidagi bitimlarda belgilangan samaradorlik koʻrsatkichlari bajarilishi yuzasidan doimiy monitoringni amalga oshirib boradi. Monitoring natijasida aniqlangan kamchiliklar uchun uchun bitimni bekor qilishgacha boʻlgan jazo choralari qoʻllaniladi.
Sobir Nurberdiyev.
