“Soliq va byudjet siyosatining 2016 yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasi Soliq kodeksiga oʻzgartish va qoʻshimchalar kiritish toʻgʻrisida” 31.12.2015 yildagi OʻRQ-398-son Qonun bilan SKning 300-moddasiga oʻzgartirishlar kiritildi.
Oʻzgartirishlar YaST toʻlashga oʻtmagan mikrofirmalar va kichik korхonalarga daхl qildi. Mazkur korхonalar obodonlashtirish va ijtimoiy infratuzilmani rivojlantirish soligʻi boʻyicha joriy toʻlovlarni amalga oshirmaydiganlar toifasidan chiqarildi. Endilikda kichik tadbirkorlik sub’yektlari hisobot davri uchun soliq solinadigan baza 200 EKIHdan oshmagan taqdirda ushbu soliq boʻyicha joriy toʻlovlarni amalga oshirmaslikka haqli boʻladi.
Goʻzal ISLAMOVA,
ekspertimiz.
