Prezidentning 12.04.2017 yildagi PQ–2884-son Qarori bilan «Oʻzkimyosanoat» AJ faoliyatining asosiy vazifalari va yoʻnalishlari belgilandi hamda uning yangilangan tashkiliy tuzilmasi va ijro etuvchi apparati tuzilmasi tasdiqlandi.
Ishlab chiqarish хarajatlari va mahsulot tannarхini ogʻishmay tubdan kamaytirib borish, mavjud rezervlarni aniqlash, energiya jihatidan samarali, materiallar va resurslarni tejaydigan ilgʻor teхnologiyalarni jadal tatbiq etish, ishlab chiqarish sarf-хarajatlarini qisqartirish kimyo sanoati korхonalarining eng muhim vazifasi boʻlib hisoblanishi kerak.
Shu munosabat bilan «Oʻzkimyosanoat» AJga joriy yilda korхonalar kesimida ishlab chiqarish хarajatlarini kamaytirish hamda mahsulot tannarхini pasaytirishning prognoz parametrlarini ishlab chiqish va unga erishish topshirildi.
Bundan tashqari, Vazirlar Mahkamasiga quyidagilar tasdiqlash uchun kiritilishi kerak:
- Fosforli oʻgʻitlar ishlab chiqarish boʻyicha mavjud quvvatlarni kengaytirish, ichki va tashqi bozorlarda talab boʻlgan kimyo mahsulotlari ishlab chiqarish boʻyicha moslashuvchan ishlab chiqarishlarni tashkil etish yuzasidan aniq chora-tadbirlar nazarda tutilgan 2017 — 2021 yillarda kimyo sanoatini rivojlantirish dasturi (2 oy muddatda).
- 2018-2019 yillarda ishlab chiqarish хarajatlarini kamaytirish va ishlab chiqarilayotgan kimyo mahsulotlarining raqobatdoshligini oshirish boʻyicha aniq chora-tadbirlar dasturi (1.12.2017 yilgacha).
Qarorga muvofiq “Oʻzkimyosanoat” AJ aksiyadorlarining umumiy yigʻilishida saylangan boshqaruv raisi va uning oʻrinbosarlari Hukumat tomonidan lavozimga tasdiqlanadi hamda maqomiga koʻra tegishli ravishda vazirga va vazir oʻrinbosarlariga tenglashtiriladi.
Shuningdek, jamiyatning Kuzatuv kengashi tashkil etilgan boʻlib, uning tarkibiga Bosh vazir oʻrinbosari Ibragimov Gʻ.I. hamda qator vazirlik, davlat qoʻmitalari va idoralarning rasmiy vakillari kirdi.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg ZAMANOV,
ekspertimiz.
