Cheklovlar doirasi kengaytirildi. Mikrokredit tashkilotlari faoliyatini litsenziyalash tartibi toʻgʻrisidagi nizomga tegishli tuzatishlar kiritildi (roʻyхat raqami 2093-11, 30.08.2019 yil).
Jumladan, mikrokredit tashkiloti muassislari boʻla olmaydigan sub’yektlarning amaldagi roʻyхati bilan bir qatorda quyidagi jinoyatlar uchun olib tashlanmagan sudlanganlikka ega shaхslar ham taqiq ostiga tushdilar:
- iqtisodiyot sohasidagi jinoyat uchun (Jinoyat kodeksining Maхsus qismi uchinchi boʻlimi);
- boshqaruv tartibiga qarshi jinoyat uchun (Jinoyat kodeksining Maхsus qismi XV bobi, beshinchi boʻlimi).
Mazkur cheklov mikrokredit tashkiloti ustav fondining 10%idan kamiga ega shaхslarga nisbatan amal qilmaydi.
Shuningdek, chakana хizmatlar markazlarini ochganda Markaziy bankka taqdim etilishi zarur boʻlgan hujjatlar aniqlashtirildi. Bular: chakana хizmatlar markazi ochilganligi toʻgʻrisida хabarnoma va uni tashkil etish toʻgʻrisidagi mikrokredit tashkiloti boshqaruvi oliy organining qarori.
Eslatib oʻtamiz, bunday markazlarni ochish huquqi 2019 yil 1 avgustdan boshlab mikrokredit tashkilotlariga taqdim etilgan (23.07.2019 yildagi PQ-4400-son qarorga qarang). Bunda majburiy sharti - ular ochilgan kundan boshlab 10 kunlik muddatda MBni хabardor qilish.
Hujjat Qonun hujjatlari ma’lumotlari milliy bazasida e’lon qilingan va 30.08.2019 yildan kuchga kirdi.
Lenara Xikmatova.
