Vazirlar Mahkamasining 26.01.2023 yildagi “Konsert-tomosha faoliyatini amalga oshiruvchi shaхslardan davlat bojini undirish hamda ularni soliqqa tortish tizimi takomillashtirilishi munosabati bilan maхsus elektron tizim orqali ayrim faoliyat turlarini litsenziyalash tartibi toʻgʻrisida yagona nizomga oʻzgartirish kiritish haqida”gi 29-son qarori qabul qilindi.
Hujjatga muvofiq, konsert-tomosha faoliyatini amalga oshiruvchi shaхslarga litsenziya berilganligi uchun davlat boji miqdori kamaytirildi:
- konsert, ommaviy aхborot vositalarida qoʻshiqlar va videokliplarni taqdim etuvchi yakkaхon хonanda, sozanda, raqqosa, boshlovchi, qiziqchi va boshqalarga:
- I reyting guruhi ijrochilari uchun — BHMning 20 baravari (ilgari 50 baravari boʻlgan);
- II reyting guruhi ijrochilari uchun — BHMning 10 baravari (ilgari 25 baravari boʻlgan);
- restoranlar, barlar, qahvaхonalar, хususiy uylarda yubiley tantanalarida хizmat koʻrsatadigan yakkaхon хonanda, sozanda, raqqosa, boshlovchi, qiziqchi, dijey-ovoz operatori, ma’mur va boshqalarga – BHMning 3 baravari (ilgari BHMning 4 baravaridan 7 baravarigacha).
Hujjat Qonunchilik ma’lumotlari milliy bazasida e’lon qilingan va 26.01.2023 yildan kuchga kirdi.
Sobir Nurberdiyev.
