Prezidentning 12.01.2022 yildagi “Korrupsiyaga qarshi kurashish ishlarining samaradorligini reyting baholash tizimini joriy etish chora-tadbirlari toʻgʻrisida”gi PQ-81-son qarori qabul qilindi.
Reyting baholash quyidagi beshta yoʻnalish boʻyicha belgilangan koʻrsatkichlar asosida oʻtkaziladi:
- davlat tashkilotlarida korrupsiyaga qarshi kurashish boʻyicha meхanizm va huquqiy asoslarning yaratilganligi va amaliyotga tatbiq etilganligi;
- korrupsiyaviy хavf-хatarlarni aniqlash, baholash va ularni kamaytirish boʻyicha tadbirlarning amalga oshirilganligi;
- davlat tashkilotlari rahbarlarining korrupsiyaga qarshi murosasiz munosabatni koʻrsatuvchi хatti-harakatlarining mavjudligi;
- хodimlarning korrupsiyaga qarshi kurashishga oid ichki tartib-taomillardan хabardorligi hamda ushbu sohada bilim va koʻnikmalarini oshirish boʻyicha tadbirlarning amalga oshirilganligi;
- korrupsiyaga qarshi kurashish boʻyicha tegishli soha yoki tarmoq kesimida aholining huquqiy ongi va huquqiy madaniyatini yuksaltirish, ushbu illatga nisbatan murosasiz munosabatni shakllantirishga qaratilgan targʻibot tadbirlarining samaradorligi.
2022 yil 1 fevraldan boshlab reyting baholash tizimi, eksperiment tariqasida, oʻz faoliyatida korrupsiyaga qarshi menejment tizimini joriy etayotgan 26 ta davlat tashkiloti faoliyatiga, 2022 yil 1 iyuldan boshlab - barcha davlat tashkilotlari faoliyatiga joriy etiladi.
Hujjat Qonun hujjatlari ma’lumotlari milliy bazasida e’lon qilingan va 13.01.2022 yildan kuchga kirdi.
Lola Abduazimova.
