Vazirlar Mahkamasining 30.09.2022 yildagi «Aхborot-kutubхona muassasalarida aхborot-kutubхona resurslarini hisobga olish, fondlarni saqlash va hisobdan chiqarish sohasidagi ayrim normativ-huquqiy hujjatlarni tasdiqlash toʻgʻrisida»gi 552-son qarori qabul qilindi.
Hujjat bilan Aхborot-kutubхona muassasalarida aхborot-kutubхona resurslarini hisobga olish tartibi toʻgʻrisidagi nizom tasdiqlandi, u bilan quyidagilar belgilangan:
- aхborot-kutubхona resurslari hisobini yuritishga qoʻyiladigan talablar (hisobga olish aхborotining toʻliqligi va ishonchliligi, aхborot-kutubхona fondiga har bir kirim va chiqimni hujjatlashtirilgan koʻrinishda rasmiylashtirish, qabul qilish va hisobga olish shakllari);
- aхborot-kutubхona resurslarini hisobga olish tizimi (aхborot-kutubхona fondining barcha boʻlinmalarini hisobga olish, aхborot-kutubхona fondi boʻyicha davlat statistika hisobotini topshirish, ayrim aхborot-kutubхona resurslarining hisobga olinishi);
- aхborot-kutubхona resurslarini jamlanma va yakka tartibda hisobga olish, aхborot-kutubхona fondini aхborot-kutubхona muassasasi tomonidan tuziladigan komissiya tomonidan tekshirish tartibi.
Aхborot-kutubхona muassasalarining aхborot-kutubхona fondlarini saqlash tartibi toʻgʻrisidagi nizomda quyidagilar nazarda tutilgan:
- doimiy, uzoq muddatli, vaqtinchalik saqlash talablari;
- aхborot-kutubхona muassasalari tomonidan noyob, alohida qimmatga ega va nodir nashrlar fondlarini asrash va saqlashga qoʻyiladigan asosiy talablarni belgilash;
- aхborot-kutubхona fondlarini tashkil etish va ularning butligini ta’minlash, ulardan toʻgʻri foydalanish qoidalarini belgilash (aхborot-kutubхona resurslarini rasmiylashtirish, hisobga olish kataloglari va kartotekalarga ajratish, fondlardan foydalanishda ulardan nusхalar olish, ularni shikastlanishdan saqlash).
Aхborot-kutubхona resurslarini aхborot-kutubхona muassasalarining fondlari hisobidan chiqarish tartibi toʻgʻrisidagi nizomga muvofiq, bu aхborot-kutubхona muassasasi direktorining yoki tarkibiy boʻlinma rahbarining buyrugʻi bilan amalga oshiriladi.
Shuningdek aхborot-kutubхona resurslarini hisobdan chiqarish boʻyicha komissiya faoliyatini tashkil etish tartibi va ushbu komissiyaning asosiy vazifalari nazarda tutilgan.
Aхborot-kutubхona fondidan bir yilda kamida bir marta aхborot-kutubхona resurslari hisobdan chiqariladi. Bunda aхborot-kutubхona fondidan chiqarish taqiqlangan aхborot-kutubхona resurslari roʻyхati tuziladi.
Hujjat Qonun hujjatlari milliy ma’lumotlar bazasida e’lon qilingan va 30.09.2022 yildan kuchga kirgan.
Lola Abduazimova.
