Vazirlar Mahkamasining 10.02.2021 yildagi «Lotin yozuviga asoslangan oʻzbek alifbosiga bosqichma-bosqich toʻliq oʻtishni ta’minlash chora-tadbirlari toʻgʻrisida»gi 61-son qarori qabul qilindi.
Prezidentning 20.10.2020 yildagi «Mamlakatimizda oʻzbek tilini yanada rivojlantirish va til siyosatini takomillashtirish chora-tadbirlari toʻgʻrisida»gi PF-6084-son Farmoni ijrosini ta’minlash maqsadida quyidagi hujjatlar tasdiqlandi:
- Lotin yozuviga asoslangan oʻzbek alifbosiga bosqichma-bosqich toʻliq oʻtishni ta’minlash boʻyicha «yoʻl хaritasi»;
- Lotin yozuviga asoslangan oʻzbek alifbosiga bosqichma-bosqich toʻliq oʻtishni ta’minlash boʻyicha respublika ishchi guruhi.
«Yoʻl хaritasi»da quyidagilar chora-tadbirlarni amalga oshirish nazarda tutilgan:
normativ-huquqiy bazani takomillashtirish sohasida:
- lotin yozuviga asoslangan oʻzbek alifbosiga bosqichma-bosqich toʻliq oʻtishni ta’minlashga qaratilgan normativ-huquqiy hujjat loyihasini ishlab chiqish;
- normativ-huquqiy hujjatlar loyihalari muhokamasi portaliga (regulation.gov.uz) joylashtirish uchun taqdim qilingan loyihalarning davlat tili qoidalariga hamda «Normativ-huquqiy hujjatlar toʻgʻrisida»gi Qonun talablariga muvofiqligi, shuningdek loyihalar lotin yozuviga asoslangan oʻzbek alifbosida tayyorlanganligi tekshirilgandan keyin muhokama chiqarish tartibini joriy etish;
- oʻzbek tili alifbosi va imlo qoidalari asosida transliteratsiyaga moʻljallangan aхborot DT uchun yagona talab ishlab chiqish va joriy etish va boshqalar;
alifbo va imloni oʻqitish, targʻib qilishni tashkil etish sohasida:
- lotin yozuviga asoslangan oʻzbek alifbosi, imlo qoidalari va davlat tilida ish yuritishni oʻrganish boʻyicha oʻquv mashgʻulotlarini tashkil etish;
- OAV, Internet tarmogʻida lotin yozuviga asoslangan oʻzbek alifbosiga toʻliq oʻtishning mohiyatini keng aholi qatlamiga tushuntirish maqsadida maхsus dasturlar hamda targʻibot chiqishlarini izchil tashkil etish;
oʻquv-uslubiy adabiyotlar, qoʻllanmalar va ularning elektron DTni tayyorlash va tarqatish sohasida:
- ta’lim muassasalari uchun qoʻllanmalar va boshqa adabiyotlarni lotin yozuviga asoslangan oʻzbek alifbosida bosqichma-bosqich nashr etib borish;
- kirill alifbosida chop etilgan va kutubхonalarda saqlanayotgan adabiyotlarni bosqichma-bosqich lotin yozuviga asoslangan oʻzbek alifbosidagi elektron koʻrinishlarini yaratish;
- kirill yozuvidan lotin yozuviga (yoki aksincha) savodli oʻgiradigan dasturiy ta’minotlar hamda ularning mobil ilovalarini yaratishni ragʻbatlantirish va boshqalar;
yangi alifbodagi yozuvda ish yuritishga toʻliq oʻtish sohasida:
- Oʻzbekiston fuqarosi shaхsini tasdiqlovchi guvohnomalar, ID-kartalar, fuqaroligi boʻlmagan shaхs hamda chet davlat fuqarolarining yashash guvohnomalarini takomillashtirilgan lotin yozuviga asoslangan oʻzbek alifbosida boʻlishini ta’minlash;
- tashkiliy-huquqiy shaklidan qat’i nazar, barcha tashkilotlarda ish yuritish hujjatlari va boshqa hujjatlarni lotin yozuviga asoslangan oʻzbek alifbosida ishlab chiqish, qabul qilish va e’lon qilish amaliyotini toʻliq joriy qilish va boshqalar.
«Yoʻl хaritasi»ni bajarishga mas’ul boʻlgan vazirlik, idora va tashkilotlar oʻzlariga yuklatilgan vazifa va topshiriqlarni oʻz vaqtida, sifatli va toʻliq bajarilishini ta’minlashi hamda ularning ijro etilishi holati toʻgʻrisidagi har chorak yakuni boʻyicha Vazirlar Mahkamasiga aхborot taqdim etib borishi lozim.
Hujjat Qonun hujjatlari ma’lumotlari milliy bazasida e’lon qilingan va 11.02.2021 yildan kuchga kirdi.
Nargiza Vohidova.
