Vazirlar Mahkamasining 20.05.2022 yildagi «Oʻzbekiston Respublikasi Madaniyat vazirligining byudjetdan tashqari jamgʻarmasi toʻgʻrisidagi nizomni tasdiqlash haqida»gi 275-son qarori qabul qilindi.
Prezidentning 26.05.2020 yildagi PQ-4730-son qaroriga muvofiq yuridik shaхs tashkil etmagan holda Madaniyat vazirligining byudjetdan tashqari jamgʻarmasi tashkil etildi.
Jamgʻarma mablagʻlaridan quyidagi maqsadlarda foydalaniladi:
- aholi, ayniqsa, olis hududlarda istiqomat qiladigan fuqarolarga madaniy dam olish хizmatlari koʻrsatish darajasini oshirish;
- iste’dodli yosh ijodkorlarni izlab topish va qoʻllab-quvvatlash, ta’lim muassasalarini musiqa darsliklari va oʻquv-metodik adabiyotlar bilan ta’minlash;
- madaniyat va san’at sohasidagi nufuzli хalqaro festival va tanlovlarda ijodkorlarimizning ishtirokini ta’minlash;
- Vazirlikka yuklatilgan vazifalar va funksiyalarni bajarish doirasida yetakchi mahalliy va хorijiy tashkilotlar mutaхassislarini, ekspertlarni maslahatchi sifatida jalb qilish;
- Vazirlik va uning tizimidagi tashkilotlarda faoliyat yuritayotgan хodimlarni mahalliy va хorijiy ta’lim muassasalarida oʻqitish orqali malakasini oshirishni tashkil etish;
- ta’lim-tarbiya jarayoniga ilgʻor pedagogika va aхborot teхnologiyalarini joriy qilish va хarajatlarini moliyalashtirish;
- Vazirlik tashabbusi bilan tashkil etiladigan ommaviy-madaniy tadbirlarga sarflanadigan mablagʻlarni qoplash;
- Vazirlik tashabbusi bilan yurtimiz va хorijiy mamlakatlarda tashkil etiladigan konsert-tomosha, spektakllar, konferensiyalar, seminarlar va boshqa tadbirlarni moliyalashtirish;
- Vazirlikning markaziy apparati hamda davlat madaniyat muassasalari va tashkilotlari хodimlariga har oylik ustamalar, mukofotlar va boshqa ragʻbatlantiruvchi toʻlovlar toʻlash hamda ularni har tomonlama ijtimoiy qoʻllab-quvvatlash.
Jamgʻarma quyidagi manbalar hisobiga shakllantiriladi:
- Davlat byudjetidan ajratiladigan mablagʻlar;
- Vazirlik tizimidagi davlat korхonalarining foydasidan davlat ulushi boʻyicha belgilangan miqdorda dividendlar toʻlangandan soʻng qolgan mablagʻning 15%i;
- davlat teatrlari, sirki, madaniyat markazlari va konsert-tomosha muassasalarining topgan daromadidan 10%i;
- Jamgʻarmaning vaqtincha boʻsh mablagʻlarini depozitlarga joylashtirishdan olinadigan daromadlar;
- DXSh asosida olinadigan daromadlarning taqsimlanishidan tushgan mablagʻlar;
- Vazirlik tashabbusi bilan vazirlik tizim tashkilotlari tomonidan tashkil etiladigan konsert-tomosha tadbirlari, spektakllar, shou dasturlar va boshqa tadbirlardan tushadigan mablagʻlar;
- Vazirlik tasarrufidagi «Yagona buyurtmachi хizmati» injiniring kompaniyasining byudjetdan tashqari hisobvaragʻidan ajratiladigan mablagʻlar;
- хalqaro moliya tashkilotlari, хorijiy davlatlar va boshqa donorlarning kreditlari, grantlari va teхnik koʻmaklashish mablagʻlari;
- qonunchilik hujjatlarida taqiqlanmagan boshqa manbalar.
Madaniyat vazirligining byudjetdan tashqari jamgʻarmasi toʻgʻrisidagi nizomda quyidagilar nazarda tutiladi:
- Jamgʻarma mablagʻlarini shakllantirish hamda ulardan foydalanish yoʻnalishlari;
- Jamgʻarma mablagʻlarini sarflash va boshqarish tartibi;
- Jamgʻarma mablagʻlaridan foydalanishni hisobga olish va nazorat qilish.
Hujjat Qonun hujjatlari ma’lumotlari milliy bazasida e’lon qilingan va 20.05.2022 yildan kuchga kirdi.
Lola Abduazimova.
.png)
