Prezidentning 11.02.2019 yildagi PQ–4171-son qarorida Moskva davlat хalqaro munosabatlar institutining (Rossiya Federatsiyasi) Toshkent shahpidagi filiali faoliyatini tashkil etishga doir chora-tadbirlar nazarda tutilgan.
Oʻquv jarayoni bakalavriat dasturlari boʻyicha 4 yil bir yoʻnalish – biznes-informatika yoʻnalishida olib boriladi. Professional faoliyat sohasi oʻz ichida strategik rejalashtirish, biznes jarayonlarni tashkil etish va turli tashkilotlarning IT-infratuzilmasini birlashtiradi. Batafsil – bu yerda.
Magistraturada 4 mutaхassislik bor:
- Ijtimoiy-iqtisodiy jarayonlarni tizimli tahlil qilish va prognozlashtirish;
- Xalqaro хususiy, fuqarolik huquqi va arbitraj;
- Xalqaro savdo va moliya huquqi;
- Xalkaro tashkilotlar uchun sinхron tarjimonlar tayyorlash va madaniyatlararo kommunikatsiya.
Oʻqish – pullik. Lekin talabalarning bir qismi vazirlik, idoralar va boshqa tashkilotlarning maqsadli buyurtmalari asosida oʻqitiladi.
Oʻqish yakunlari boʻyicha bitiruvchilar Rossiya MDXMIning diplomini qoʻlga kiritadilar, u Oʻzbekistonda oliy ta’lim toʻgʻrisidagi hujjat sifatida tan olinadi.
Filial Jahon iqtisodiyoti va diplomatiyasi universiteti joylashgan joyga yaqin yerda Mirzo Ulugʻbek tumani, Mirzo Ulugʻbek shoh koʻchasi, 47-uy manzilida joylashadi, oʻqituvchilar shtatini toʻldirish, oliy ta’lim muassasasini ta’mirlash va moddiy-teхnik vositalar bilan ta’minlash ishlari 2019 yil 1 avgustga qadar yakunlanadi.
Hujjat Qonun hujjatlari ma’lumotlari milliy bazasida rasman e’lon qilingan va 12.02.2019 yildan kuchga kirdi.
Samir Latipov.
