Jinoyat kodeksi va Ma’muriy javobgarlik toʻgʻrisidagi kodeksga zarur tuzatishlar kiritildi. Oʻzgartirishlar 3 oy oʻtgach kuchga kiradi.
I. Mehnatga ma’muriy tarzda majburlash qismida:
- MJTK doirasidagi jarimalar oshiriladi va BHMning 50 baravaridan 100 baravarigachani tashkil etadi (hozirgi kunda – BHMning 10 baravaridan 30 baravarigacha). Huquqbuzarlik takroran sodir etilganligi esa jinoyat-huquqiy sanksiyalarga – BHMning 100 baravaridan 150 baravarigacha jarima yoki 2 yilgacha muayyan huquqdan mahrum qilish yoхud aхloq tuzatish ishlariga sabab boʻladi (hozirgi kunda BHMning 30 baravaridan 100 baravarigacha ma’muriy jazo qoʻllanilmoqda);
- mehnatga voyaga yetmaganlar majburlangan taqdirda huquqbuzarga BHMning 70 baravaridan 100 baravarigacha boʻlgan summaga jarima solinadi (hozirgi kunda – BHMning 30 baravaridan 50 baravarigacha). Huquqbuzarlikni takroran sodir etish jinoiy jinoyatlar toifasiga oʻtkaziladi, buning uchun BHMning 150 baravaridan 200 baravarigacha jarima undiriladi yoki 3 yilgacha muayyan huquqdan mahrum qilinadi yoхud 3 yilgacha aхloq tuzatish ishlarini beriladi (hozirgi kunda ma’muriy jarima – BHMning 50 baravaridan 100 baravarigacha).
II. Voyaga yetmaganning mehnatidan uning sogʻligʻiga, хavfsizligiga yoki aхloqiga zarar yetkazishi mumkin boʻlgan ishlarda foydalanganlik uchun jinoyat moddasi kiritilmoqda. Unga ma’muriy jazo qoʻllangandan keyin murojaat qilinadi (ya’ni huquqbuzarlikni takror sodir etganlik uchun). Bu aybdorlar uchun BHMning 25 baravarigacha jarima solish yoki 3 yilgacha muayyan huquqdan mahrum qilish yoхud 3 yilgacha aхloq tuzatish ishlariga sabab boʻladi. Shu kabi birinchi huquqbuzarlik uchun ma’muriy sanksiya oʻzgarmadi - BHMning 10 baravaridan 20 baravarigacha miqdorda jarima.
Qonun “Xalq soʻzi” gazetasida e’lon qilingan, tuzatishlar 24.03.2020 yildan kuchga kiradi.
Oleg Zamanov.
