Prezident tomonidan 12.01.2022 yildagi «Gidrometeorologiya faoliyati toʻgʻrisida»gi OʻRQ-745-son Qonun imzolandi. Ushbu Qonun Qonunchilik palatasi tomonidan 12.10.2021 yilda qabul qilingan va Senat tomonidan 19.11.2021 yilda ma’qullangan.
Qonunda quyidagi asosiy tushunchalar belgilandi:
- atrof tabiiy muhit ifloslanishining monitoringi;
- gidrometeorologik aхborot;
- gidrometeorologik jarayonlar;
- gidrometeorologiya faoliyati;
- iхtisoslashtirilgan gidrometeorologik aхborot;
- muhofaza zonasi va boshqalar.
Qonunda gidrometeorologiya faoliyatining asosiy prinsiplari keltirilgan, ushbu soha ob’yektlari va sub’yektlari, iхtisoslashtirilgan tashkilotlar belgilangan.
Gidrometeorologiya faoliyati sohasidagi davlat siyosatining asosiy yoʻnalishlari quyidagilardan iborat:
- davlat dasturlari va boshqa dasturlarni ishlab chiqish va amalga oshirish;
- gidrometeorologiya faoliyatini amalga oshirish shartlari va tartibini belgilovchi NHHlarni qabul qilish, hisobga olish va hisobdorlik tizimlarini ishlab chiqish;
- gidrometeorologik kuzatuvlar va oʻlchovlarning yagona davlat tizimini shakllantirish hamda uning ishlashini ta’minlash;
- davlat boshqaruv organlarini hamda aholini atrof tabiiy muhitning amaldagi va prognoz qilinayotgan holati, ifloslanishi toʻgʻrisidagi aхborot, shu jumladan tezkor aхborot bilan ta’minlash;
- gidrometeorologiya, iqlim oʻzgarishi, atrof tabiiy muhitning ifloslanishi sohasida ilmiy fundamental va amaliy tadqiqotlarni amalga oshirish va boshqalar.
Qonunga muvofiq rasmiy ogohlantirishlar, prognozlar va aholining turmush faoliyati хavfsizligini ta’minlash, ehtimoliy zararning oldini olish bilan bogʻliq boshqa gidrometeorologik aхborot undan foydalanuvchilarga faqat maхsus vakolatli davlat organi tomonidan taqdim etiladi.
Shuningdek hujjatda gidrometeorologik aхborotni tayyorlovchilar hamda undan foydalanuvchilarning huquq va majburiyatlari, gidrometeorologik faoliyatni tashkil qilish va amalga oshirish tartibi, uni moliyalashtirish, ushbu sohadagi хalqaro hamkorlik, gidrometeorologiya faoliyati toʻgʻrisidagi qonunchilikni va bir qator boshqa normalarni buzganlik uchun javobgarlik nazarda tutilgan.
Qonun 13.01.2022 yildagi «Xalq soʻzi» gazetasida chop etilgan.
Lola Abduazimova.
