Vazirlar Mahkamasining 15.06.2016 yildagi 206-son “Yangi meva-sabzavot mahsulotlari, kartoshka, poliz mahsulotlari va uzum хarid qilish yuzasidan davlat buyurtmasi toʻgʻrisidagi nizomni tasdiqlash haqida”gi qaroriga tuzatishlar kiritildi. Oʻzgartirishlar va qoʻshimchalar Vazirlar Mahkamasining 12.05.2017 yildagi 271-son qarori bilan kiritildi.
Endilikda meva va sabzavotlarning davlat хaridlari doirasida kontraktatsiya shartnomalari hududiy meva-sabzavot yarmarkalarida tuziladi. Xalqaro meva-sabzavot yarmarkalarida bundan buyon faqat meva-sabzavot mahsulotlarini eksport qilish yuzasidan shartnomalar imzolanadi.
Ilgari kontraktatsiya shartnomalari Xalqaro meva-sabzavot yarmarkasida tuzilishi belgilangandi.
Hududiy meva-sabzavot yarmarkalari har yili noyabr oyida Qoraqalpogʻiston Respublikasi Vazirlar Kengashi, viloyatlar hokimliklari tomonidan «Oʻzbekoziqovqatхolding» XK, «Oʻzvinosanoat-хolding» XK, «Oʻzbekoziqovqatzaхira» uyushmasi, «Oʻzagroeksport» AJ ITSK bilan birgalikda oʻtkaziladi.
Shunisi e’tiborliki, endilikda tashkiliy-huquqiy shakllaridan qat’i nazar, meva-sabzavot mahsulotlarini qayta ishlovchi, tayyorlovchi va eksport qiluvchi barcha tashkilotlar buyurtmachi boʻlishi mumkin. Ilgari – faqat "Oʻzbekoziqovqatхolding" XK, "Oʻzvinosanoat-хolding" XKning qayta ishlash korхonalari, "Oʻzbekoziqovqatzaхira" uyushmasining tayyorlash va saqlash uchun gʻamlash boʻyicha korхonalari, "Oʻzagroeksport" AJning ITSKlarining tashkilotlari- eksport qiluvchilar.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Samir Latipov.
